मुंबई- नवाब कुटुंबाची मुलगी ने अगदी कमी कालावधीत आपली वेगळी ओळख सिनेसृष्टीत निर्माण केली आहे. साराने २०१८ मध्ये 'केदारनाथ' सिनेमातून आपल्या कारकिर्दीची सुरुवात केली. हा सिनेमा बॉक्स ऑफिसवर हिट झाला नसला तरी सारा लोकांच्या हृदयात आपले स्थान निर्माण करण्यात यशस्वी झाली. सिनेमांप्रमाणेच सारा सोशल मीडियावरही खूप सक्रिय आहे. आपल्या नवनवीन पोस्टमधून ती चाहत्यांना कामासंबंधी आणि वैयक्तिक आयुष्यासंबंधी गोष्टींचे अपडेट देत असते. अलीकडेच साराने एक व्हिडिओ शेअर केला आहे. व्हिडीओसोबतच साराने तिच्या आई- वडिलांची म्हणजेच सैफ अली खान आणि अमृता सिंग यांचीही माफी मागितली आहे. एवढेच नाही तर मी माझे नाक कापले असेही सारा यावेळी म्हणाली. हे संपूर्ण प्रकरण नक्की काय आहे हे जाणून घेऊया. साराने असं काय केलं की तिला आपल्या आई- वडिलांची माफी मागावी लागली तेही जाणून घेऊ. व्हिडिओ शेअर करताना साराच्या नाकाला दुखापत झाल्याचं दिसून येतं. यावेळी साराने लिहिले की, 'सॉरी अम्मा, अब्बा आणि इग्गी. मी माझे नाक कापले.' साराचा हा व्हिडिओ आणि त्यासोबत लिहिलेले विचित्र कॅप्शन पाहून चाहते आश्चर्यचकित झालेत. नाक कापण्याचा अर्थ तिच्या नाकाला झालेली दुखापत सांगणं होतं. तिने हे फक्त थोड्या मजेशीर अंदाजात सांगितलं. साराने शेअर केलेल्या व्हिडिओमध्ये तिने सुरुवातीला आपलं नाक कापसाने झाकलेलं दिसत आहे. काही सेकंदांनंतर जेव्हा ती तिच्या नाकावर ठेवलेला कापूस काढते तेव्हा तिच्या नाकाला झालेली दुखापत दिसून येते. तिच्या नाकातून रक्त वाहतानाही दिसतं. साराचा हा व्हिडिओ मजेशीर तर आहेच पण तो पाहून चाहत्यांनी तिच्याबद्दल चिंताही व्यक्त केली आहे. सारा अली खान केवळ सोशल मीडियावर सक्रिय नाही तर सोशल मीडियावर लाखोंमध्ये तिच्या चाहत्यांची एक मोठी यादी आहे. तिने इन्स्टाग्रामवर कोणतीही पोस्ट टाकली की ती लगेच व्हायरल होते. सारा अली खान चे इन्स्टाग्रामवर ३३ दशलक्षाहून अधिक फॉलोअर्स आहेत आणि ते दिवसेंदिवस वाढत आहेत. २०१८ मध्ये साराने 'केदारनाथ' सिनेमातून पदार्पण केले. या सिनेमात ती सुशांतसिंह राजपूतसोबत दिसली होती. याशिवाय साराने इम्तियाज अलीच्या 'लव आज कल' या सिनेमात कार्तिक आर्यनसोबत काम केले होते. साराच्या आगामी सिनेमांबद्दल बोलायचे झाले तर ती लवकरच 'अतरंगी रे' सिनेमात दिसणार आहे. यात ती अक्षय कुमार आणि दाक्षिणात्य अभिनेता धनुषसोबत काम करत आहे. या सिनेमाचे दिग्दर्शन आनंद एल राय यांनी केले आहे.
from Marathi Bollywood News, Marathi Cinema News https://ift.tt/3lqr257
