मुंबई : बिग बॉस ओटीटीच्या घरात होणारे वाद आता नवीन राहिलेले नाहीत. सातत्याने कुणाना कुणा स्पर्धकांमध्ये वाद, भांडाभांडी होत असते. परंतु आता हे वाद ही भांडणे आता हिंसक झाली असून स्पर्धकांमध्ये आता चक्क हाणामारी होऊ लागली आहे. बुधवारी प्रसारित झालेल्या बिग बॉस ओटीटीच्या भागामध्ये जीशान खानला अचानकपणे घराबाहेर काढण्यात आले. याचे कारण देताना एका टास्क दरम्यान, आणि निशांत भट्ट यांच्यासोबत जीशानचे भांडण झाले. इतकेच नाही तर त्यांच्यामध्ये चक्क हाणामारीही झाली. त्यामुळे जीशानला तातडीने घराच्या बाहेर काढण्यात आले आहे. जीशानला न्याय मिळावा प्रेक्षकांची मागणी बिग बॉसच्या घरातमध्ये होणारे वाद, भांडणे होणे ही बाब आता सर्वसामान्य मानली जाते. परंतु या घरामध्ये हाणामारीला परवानगी नाही. घराच्या आतमध्ये कुणाही स्पर्धकाने कुणावरही हात उचलण्यास मनाई आहे. त्यामुळेच जीशानला तातडीने घराच्याबाहेर काढण्यात आले. कार्यक्रमातून एलिमिनेट झाल्यानंतर जीशानने सोशल मीडियावर झालेला प्रकार सांगितला. इतकेच नाही तर बिग बॉसच्या घरात झालेल्या हाणामारीवेळी झालेली दुखापतीचा फोटोही त्याने शेअर केला आहे. त्यानंतर प्रेक्षकांनी, युझर्सनी बिग बॉसने घेतलेला निर्णय चुकीचा असल्याचे सांगत जीशानला परत घरात घेण्याची आग्रही मागणी केली आहे. जीशानने त्याच्या इन्स्टाग्राम अकाऊंटवरून काही फोटो शेअर केले आहेत. त्या फोटोंमध्ये त्याला झालेली दुखापत दिसत आहे. या फोटोंसोबत त्याने हात जोडणारा इमोजी पोस्ट केला आहे. निशांत आणि प्रतिकसोबत झालेल्या हाणामारीचा व्हिडिओ वूटच्या इन्स्टाग्रामवरील अधिकृत अकाऊंटवर शेअर केला आहे. या व्हिडिओमध्ये दिसते आहे की एका टास्कवेळी जीशान प्रतिककडून झेंडा खेचून घेतो. त्यानंतर निशांत आणि प्रतिक त्याच्यासोबत भांडू लागतात. जीशान आणि प्रतिकमध्ये धक्काबुक्की सुरू होते त्यावेळी जीशानच्या हातावर ओरखडे येतात. त्यानंतर हे सर्व बिग बॉसला अजिबात पटत नाही, त्यामुळे ते जीशानला घराच्या बाहेर काढतात. जीशनला घराच्या बाहेर काढल्यामुळे त्याच्या चाहते नाराज झाले आहेत. इतकेच नाही तर ट्विटरवर देखील जीशानला न्याय दिला जावा, अशी मागणी होत आहे. युझर्सच्या मते या भांडणावेळी जीशान आणि प्रतिक या दोघांमध्ये भांडण झाले होते. मग केवळ जीशानलाच का घराबाहेर काढले गेले. प्रतिकला का काढले नाही. तर एका युझरने लिहिले आहे की, 'प्रतिकला समर्थन करणा-यांनो जरा लाज बाळगा... तो प्रत्येकाशी भांडतो तरी तुम्ही त्याला मत देऊन घरात कसे ठेवता...' याबरोबरच अनेक युझर्सनी जीशानला पुन्हा घरात घेण्याची मागणी केली आहे. जीशानला अचानक असे बाहेर काढल्यामुळे मिलिंद गाबा आणि दिव्या अग्रवाल यांना खूपच वाईट वाटले आहे. दिव्यासोबत जीशानचे बाँडिंग छान होते. जीशान गेल्यामुळे दिव्या उदास झाली आहे. जीशानने आतापर्यंत कुमकुम भाग्य या मालिकेत काम केले आहे. बिग बॉसच्या घरात त्याने बाथरोब घालून प्रवेश केला होता. आता जीशानला परत बिग बॉसच्या घरात प्रवेश मिळतो की नाही याकडे सगळ्यांचे लक्ष लागले आहे...
from Marathi Bollywood News, Marathi Cinema News https://ift.tt/3jeIBDE
