मुंबई: अभिनेता इम्रान हाश्मीची मोठ्या पडद्यावरची इमेज ही 'सीरियल किसर' अशी आहे. आता त्याला त्याची ही ओळख पुसायची आहे परंतु ही ओळख काही त्याची पाठ सोडायला तयार नाही. अलिकडेच इम्रानने एका मासिकाला दिलेल्या मुलाखतीमध्ये म्हटले आहे की, 'आता त्याला हिरॉईन्सला किस करून कंटाळा आला आहे. आतापर्यंत त्याला सीरियल किसर या इमेजला साजेशा भूमिका कराव्या लागल्या होत्या.' इम्रान पुढे म्हणाला, 'माझ्या करीअरच्या सुरुवातीची दहा वर्षे मी अशाचप्रकारचे सिनेमे केले. सीरिअल किसर या इमेजमुळे मी एक स्वतःच विदुषक झालो. माझी हीच इमेज सगळीकडे पसरली. मीडियातही माझ्या याच इमेजची चर्चा झाली आणि सगळे काही बदलून गेले...' मी चर्चेचा विषय झालो अभिनेता इम्रानने पुढे सांगितले की, 'तुम्ही अशा देशामध्ये रहात की तिथे सेक्शुअलिटी दाखवणे गुन्हा आहे. मी जेव्हा २००३ मध्ये सुरुवात केली होती तेव्हाच्या मी एकटाच सर्व हिरॉईन्सना किस करायचो. त्यामुळे मी चर्चेचा विषय ठरलो.' वेळ गेल्यानंतर झाली जाणीव इम्रानने या मुलाखतीमध्ये पुढे सांगितले की, 'जसा जसा वेळ गेला तशी मला या सगळ्या गोष्टींची जाणीव झाली. मला हे देखील जाणवले की हे सगळे करून मी खूप थकलो आहे. कारण त्या सिनेमांनी मला हेच करायचे आहे, याची जाणीव सातत्याने करून दिली. यामुळे मला एक साचलेपणाची जाणीव झाली होती. त्याचवेळी ते सिनेमे बॉक्स ऑफिसवर चांगली कमाई करत होते. मला वाटत होते की माझ्यातील अभिनेता मात्र अस्वस्थ होता...' इंडस्ट्रीमध्ये झेरॉक्स कॉपी असे वाटते इम्रान हाश्मी पुढे म्हणाला की, 'अभिनेता म्हणून प्रगल्भ होत होतो. परंतु अशाच प्रकारचे कथानक असलेले सिनेमे स्वीकारण्याशिवाय माझ्याकडे काहीच पर्याय नव्हता. आपल्या इंडस्ट्रीजमध्ये याच गोष्टींची सातत्याने कॉपी होत असते. मात्र माझ्यातील क्रिएटिव्ह कलाकाराचे समाधान होत नव्हते.'इम्रानने पुढे सांगितले की, ' त्याने पाहिले की शंघाई आणि टायगर्स सारखे सिनेमांत त्याला काम करणे आवडले होते. अशी कामे याआधी कधीच केली नव्हती.' दरम्यान, इम्रान हाश्मी 'चेहरे' सिनेमांत दिसणार आहे. याशिवाय तो 'टायगर ३' या सिनेमातही त्याने व्हिलनची भूमिका साकारली आहे.
from Marathi Bollywood News, Marathi Cinema News https://ift.tt/3znhdZC
