लखनऊ- बॉलिवूडची लोकप्रिय अभिनेत्री हिच्या संकटांमध्ये आणखीनच वाढ होताना दिसतेय. लखनऊमध्ये शिल्पाविरोधात गुन्हा दाखल झाला आहे. यापूर्वी शिल्पाचा पती याला अश्लील व्हिडीओ बनविल्या प्रकरणी मुंबई पोलिसांनी अटक केली होती. राज सध्या तुरुंगात आहे आणि या प्रकरणी प्रत्येक दिवशी नवनवीन खुलासे होत आहेत. तर दुसरीकडे लखनऊमधील दोन महिलांनी शिल्पा आणि तिची आई विरोधात फसवणूक केल्याची तक्रार दाखल केली आहे. स्पाच्या नावाखाली कोट्यवधी रुपये उकळल्याचा आरोप या महिलांनी केला आहे. एका वृत्तवाहिनीने दिलेल्या वृत्तानुसार, उत्तर प्रदेशमधील लखनऊ येथे शिल्पा आणि तिच्या आई विरोधात दोन तक्रारी दाखल करण्यात आल्या आहेत. तक्रारीत म्हटल्याप्रमाणे, शिल्पा आणि तिची आई ओयासिस स्लिमिंग स्किल सलून अँड स्पा या नावाने एक कंपनी चालवतात. या कंपनीची फ्रॅन्चायजी देण्याच्या बहाण्याने शिल्पा आणि तिच्या आईने या महिलांकडून कोट्यवधी रुपये घेतले. परंतु, अजूनही या महिलांना कंपनीची फ्रॅन्चायजी देण्यात आलेली नाही. या महिलांनी जून महिन्यात ही तक्रार दाखल केली होती. तक्रारदार महिलेच्या माहितीनुसार, कंपनीच्या माणसांनी त्यांच्याकडून दोन वेळा २ कोटी ५० लाख रुपये घेतले. पोलिसांच्या माहितीनुसार, तक्रार दाखल झाल्यानंतर लखनऊ पोलिसांकडून शिल्पा आणि तिच्या आईला नोटीस पाठवण्यात आली होती. परंतु, त्यावर कोणतीही प्रतिक्रिया दिली गेली नाही. आता या प्रकरणाच्या अधिक चौकशीसाठी लखनऊ पोलीस मुंबईत दाखल झाले आहेत. या प्रकरणी अधिक माहिती मिळाल्यास शिल्पा आणि तिच्या आईला अटक होण्याची देखील शक्यता आहे. नुकतंच राजला झालेल्या अटकेमुळे शिल्पाला कोट्यवधींचं नुकसान सहन करावं लागलं होतं. आता शिल्पाचं नाव असलेलं आणखी एक प्रकरण समोर आलं आहे.
from Marathi Bollywood News, Marathi Cinema News https://ift.tt/3iug5gO
