मुंबई: प्रसिद्ध गायक आणि रॅपर हनी सिंगची पत्नी हिने गायक आणि त्याच्या कुटुंबाच्या विरोधात कौटुंबीक हिंसाचाराचा खटला दाखल केला आहे. शालिनी तलवारनं मंगळवारी 'द प्रोटेक्शन ऑफ वुमन फ्रॉम डोमेस्टिक वायलेंस एक्ट' नुसार दिल्लीच्या तीस हजारी न्यायालयात याचिका दाखल केली आहे. यात शालिनीनं पती हनी सिंगचे लग्नानंतरही अनेक महिलांशी शरीरसंबंध होते असा दावा केला आहे. शालिनी तलवारनं न्यायालयात दाखल केलेल्या याचिकेत सासू भूपिंदर कौर, सासरे सरबजीत सिंह आणि ननंद स्नेहा सिंह यांच्या नावांचा समावेश आहे. शालिनी तलवारनं शारीरिक हिंसा, लैंगिक हिंसा, मानसिक छळ आणि आर्थिक हिंसेचा आरोप केला आहे. शालिनी तलवारनं आपल्या याचिकेत शालिनीनं हनी सिंगचे लग्नानंतर अनेक महिलांसोबत शारीरीक संबंध होते असा दावा केला आहे. 'हनी सिंगचं हिट गाणं 'ब्राऊन रंग दे'च्या शुटिंगच्या वेळी त्यानं त्याच्या महिला सहकलाकाराशी शरीरसंबंध ठेवले होते आणि जेव्हा शालिनीनं याचा जाब विचारला तेव्हा त्यानं तिला दारूची बॉटल फेकून मारली होती' असं आपल्या याचिकेत हनी सिंगनं म्हटलं आहे. शालिनी तलवारचं म्हणणं आहे की, हनी सिंगनं त्याच्या करिअरची सुरुवात झाल्यानंतर काही काळानं तिच्यासोबत गैरवर्तन करायला सुरुवात केली होती. लग्नाचे फोटो सोशल मीडियावर अपलोड केल्यानंतर हनी सिंगनं शालिनीला मारहाण केली होती आणि असं त्यानं त्याचं वैवाहिक जीवन लोकांपासून लपवण्यासाठी केलं होतं असं शालिनीचं म्हणणं आहे. शालिनी तलवारच्या याचिकेनंतर तीस हजारी न्यायालयानं हनी सिंगच्या विरोधात नोटीस जारी केली आहे आणि त्याचं उत्तर २८ ऑगस्टच्या अगोदर देण्यास सांगितलं आहे. याशिवाय दोघांचींही जॉइन्ट प्रॉपर्टी विकणे किंवा स्त्रीधनाशी छेडछाड करण्याबाबत हनी सिंगवर निर्बंध लावण्यात आले आहेत. आणि त्याची बालमैत्रीण शालिनी तलवार यांनी एकमेकांना जवळपास १० वर्षं डेट केलं होतं. २०११ मध्ये दोघं लग्नाच्या बेडीत अडकले होते. हनी सिंग आणि शालिनी तलवार यांचं लग्न कुटुंबीय आणि जवळच्या मित्र परिवाराच्या उपस्थितीत दिल्लीच्या एका गुरुद्वारामध्ये झाली होती.
from Marathi Bollywood News, Marathi Cinema News https://ift.tt/37y91tz
