मुंबई : इंटेरिअर डिझायनरने आपली छेडछाड केल्याचा आरोप एका अभिनेत्रीने केला आहे. याप्रकरणी अभिनेत्रीने मुंबईतील ओशिवरा पोलिसांकडे तक्रार दाखल केली आहे. पोलिस आता त्या इंटेरिअरचा शोध घेत आहे. हे प्रकरण गेल्या महिन्यातील म्हणजे जुलै २०२१ मधील आहे. तक्रार दाखल केलेल्या अभिनेत्रीने प्रामुख्याने दाक्षिणात्य सिनेमांत काम केले आहे. पोलिसांनी दिलेल्या माहितीनुसार ३५ वर्षांच्या अभिनेत्रीने अंधेरीतील वीरा देसाई मार्गावर नवीन घर विकत घेतले. त्या घराच्या इंटेरिअरचे काम तिने सदर इंटेरिअर डिझायनरला दिले होते. अभिनेत्रीने पोलिसांकडे दाखल केलेल्या तक्रारीत म्हटले आहे की, ती जुलै महिन्यात घराचे काम बघायला गेली होती. घरात जे काम झाले होते ते तिला आवडले नाही. त्यानंतर या अभिनेत्रीने इंटिरीअर डिझायनरला हे काम थांबवण्यास सांगितले. यावेळी त्या डिझायनरने अपशब्द वापरले आणि तिच्याच घरातून तिला बाहेर काढले. अभिनेत्रीने तिच्या तक्रारीमध्ये असेही म्हटले आहे की या डिझायनरने तिला जीवे मारण्याची धमकी देखील दिली होती. त्यामुळे त्याच्याविरोधात तक्रार दाखल करण्यात विलंब झाला. ओशिवरा पोलिसांनी अभिनेत्रीने केलेल्या तक्रारीनंतर सदर डिझायनरविरोधात कलम ३५४, ५०४, ५०९ अंतर्गंत तक्रार नोंदवून घेतली आहे.
from Marathi Bollywood News, Marathi Cinema News https://ift.tt/3CUQGVF
