मुंबई : अफगणिस्तान देश क्रूरकर्मा अशा तालिबान्यांच्या ताब्यात गेला आहे. यामुळे त्या देशातील नागरिकांमध्ये प्रचंड दहशतीचे वातावरण पसरले आहे. तालिबान्यांच्या आक्रमकते पुढे अफगणिस्तानमधील सरकार हतबल झाले असून त्यांनी सपशेल शरणागती पत्करली. त्यामुळे देशामध्ये एकच हलकल्लोळ उडाला आहे. देशातील नागरिक आता मदतीसाठी जगातील इतर देशांकडे मोठ्या आशेने बघत आहेत. अफगणिस्तानमधील या राजकीय अस्थैर्याच्या पार्श्वभूमीवर अफगाणी दिग्दर्शिका यांनी एक खुले पत्र लिहिले आहे. या पत्रामध्ये त्यांनी देशातील मुलींवर, महिलांवर होणारे अत्याचार मांडत मदतीची मागणी केली आहे. सारा यांनी लिहिलेले हे पत्र दिग्दर्शक नेसोशल मीडियावर शेअर केले. संघटना ज्या अमानुष पद्धतीने वागत आहेत, त्यामुळे नागरिकांमध्ये प्रचंड दहशत पसरली आहे. तालिबान्यांनी आक्रमण केल्यानंतर राष्ट्रपती अशरफ गनी हे देश सोडून पळून गेले. त्यामुळे येथील नागरिकांना कुणीच वाली राहिलेला नाही. अफगणिस्तानमधील नागरिक आणि येथे अडकलेले परदेशी नागरिक सुटकेसाठी प्रयत्न करत आहेत. अफगणिस्तानमध्ये २० वर्षे अमेरीकी लष्कर तैनात होते. हे लष्कर मागे घेतल्यानंतर काही दिवसांतच तालिबान्यांनी पुन्हा अफगणिस्तानमध्ये स्वतःचे वर्चस्व प्रस्थापित केले. अफगणिस्तानमध्ये निर्माण झालेल्या या परिस्थितीबाबत निर्माती, दिग्दर्शिका आणि अफगाण फिल्म ऑर्गनायझेशनच्या पहिल्या महिला अध्यक्ष सारा करीमी यांनी तेथील परिस्थितीवर एका पत्राद्वारे प्रकाश टाकला. अफगणिस्तानमध्ये सुरू असलेल्या हिंसक घटनांविरोधात सर्वांनी एकत्र येऊन त्याचा निषेध करण्याचे आवाहन केले आहे. या पोस्टमध्ये सारा यांनी लिहिले की, तालिबानी अफगणिस्तानमधील लोकांची हत्या करत आहेत. त्यांनी काही मुलांचे अपहरण केले आहे. काही लोकांनी तर स्वतःच्या मुलींना या तालिबान्यांना विकले आहे. तर काही महिलांना त्यांनी केलेल्या पेहेरावामुळे मारून टाकले आहे. अफगणिस्तानात दहशतीचे वातावरण सारा यांनी या पत्रात पुढे लिहिले, 'या तालिबान्यांनी आपल्या सर्वांच्या लाडक्या विनोदी अभिनेत्याला हालहाल करून मारून टाकले. केवळ इतकेच नाही तर एका प्रसिद्ध कवीचीदेखील हत्या केली. हे तालिबानी मीडियाशी आणि सरकारशी संबंधित असलेल्या नागरिकांची सर्रास हत्या करत आहेत.' या पत्रामध्ये सारा यांनी निरपराध नागरिकांना कशा पद्धतीने मारून टाकले जात आहे आणि दहशत पसरवली जात आहे, याचे विस्तृत वर्णन केले आहे. दहशतीच्या छायेखाली सारा यांनी या पत्रात पुढे लिहिले की, 'काबूलमधील अनेक कुटुंब तालिबान्यांच्या दहशतीखाली जगत आहेत. त्यांना माहिती नाही की ते जगणार की मरणार. त्यांच्या चिमुरड्या मुलांना दूध देखील मिळत नाहीए. सर्वज जग येथील परिस्थिती बघत आहे. येथे जे काही होत आहे, ते चुकीचे आहे परंतु यावर कुणीच काही बोलत नाही. सर्वजण गप्प बसून आहेत.' ...तर अनर्थ होईल सारा यांनी पुढे लिहिले की, 'आम्हाला या सर्वांविरोधात आवाज उठवण्याची गरज आहे. जर तालिबान्यांनी देशावर सत्ता प्रस्थापित केली तर ते या देशातून कला हद्दपार करून टाकतील. त्यामुळे आतापर्यंत आम्ही जे जे केले आहे ते सर्व नष्ट होईल. इतकेच नाही तर त्यांच्यासारखे इतर सिने निर्माते, दिग्दर्शक तालिबान्यांच्या हिटलिस्टवर असण्याची शक्यता आहे.' महिलांवर अत्याचार सारा यांनी पत्रात पुढे लिहिले आहे की, ' हे तालिबानी महिलांचे सर्व अधिकार हिरावून घेत असून पुन्हा आम्हाला काळोखात ढकलत आहेत. आमच्या बोलण्यावर निर्बंध आणतील. काही आठवड्यातच या तालिबान्यांनी देशातील शाळा उद्धवस्त केल्या आहेत. त्यामुळे २० लाखांहून अधिक मुलींचे भवितव्य धोक्यात आले असून त्यांना शिक्षणापासून वंचित रहावे लागणार आहे.' जग शांत का आहे? अफगाणिस्तानमध्ये जी अराजकता माजली आहे, त्यावर संपूर्ण जगाने मौन का बाळगले आहे, असा सवाल सारा यांनी पत्राद्वारे उपस्थित केला आहे. त्यांनी लिहिले की, 'मला या जगाची मानसिकताच कळत नाहीये. हे सर्वजण मौन का बाळगून आहेत. मी माझ्या देशासाठी उभी राहणार, माझ्या देशासाठी लढणार, परंतु मी हे एकटीने करू शकत नाही. यामध्ये मला तुमची साथ हवी आहे. प्लीज आम्हाला मदत करा. अशा काळामध्ये जगातील इतर देशांनी आमच्याकडे दुर्लक्ष करणे योग्य नाही. अफगणिस्तानमधील महिला, मुले, कलाकार, सिनेनिर्माते, दिग्दर्शकांना तुमच्या मदतीची गरज आहे. तुम्हा सर्वांचा पाठिंबा आमच्यासाठी आवश्यक आहे.' सारा यांनी हे पत्र तालिबान्यांनी काबूल शहर ताब्यात घेण्याआधी लिहिले होते. बॉलिवूडमधील कलाकारांनी केला निषेध बॉलिवूडमधील आघाडीचा निर्माता -दिग्दर्शक अनुराग कश्यपने सारा यांची ही पोस्ट शेअर केली. इतकेच नाही तर सारा यांची ही पोस्ट सर्वांनी शेअर करण्याचे आवाहनही त्याने केले आहे. हिंदी सिनेसृष्टीतून अनुराग कश्यपसह अनेक कलाकारांनी अफगणिस्तानमधील परिस्थितीवर चिंता व्यक्त करत भाष्य केले आहे. रिया चक्रवर्तीने देखील अफगणिस्तानमधील महिलांच्या स्थितीवर चिंता व्यक्त केली आहे. तिने लिहिले की, 'जेव्हा संपूर्ण जग महिलांना देखील पुरुषांइतकेच वेतन दिले जावे यासाठी लढत आहे. त्याच काळात अफगणिस्तानमध्ये त्यांना विकले जात आहे. तिथेल्या महिला, मुली आणि लहान मुलांची अवस्था पाहून दुःख होते. मी जगातील सर्व नेत्यांना विनंती करते की या विरोधात तुम्ही सर्वांनी एकत्र यावे.' अभिनेत्री सोनी राजदान यांनीदेखील याबाबत ट्वीट केले. त्यांनी लिहिले की, 'जेव्हा एक देश आपला स्वातंत्र्य दिवस साजरा करत आहे. त्याचवेळेस दुसरा एक देश त्याचे स्वातंत्र्य गमावत आहे... काय जग आहे हे...' याशिवाय शेखर कपूर, टिस्का चोप्रा यांनी देखील अफगणिस्तानात तालिबान्यांनी निर्माण केलेल्या दहशती विरोधात मतप्रदर्शन केले आहे.
from Marathi Bollywood News, Marathi Cinema News https://ift.tt/2W5ikPa
