मुंबई :छोट्या पडद्यावर लवकरच '' ही मालिका प्रेक्षकांच्या भेटीला येणार आहे. या मालिकेच्या माध्यमातून एक नवा चेहरा प्रेक्षकांच्या समोर येणार आहे. असं या अभिनेत्रीचं नाव आहे. आपल्या भूमिकेविषयी श्वेता सांगते की, 'मी मालिकेत कृष्णा ही व्यक्तिरेखा साकारत आहे. कृष्णाचे आई-वडील नसतात. ती मामा-मामींकडे लहानाची मोठी होते. मामा-मामींनी तिला अगदी फुलासारखं जपलेलं असतं. कृष्णावरचं प्रेम कमी होऊ नये, म्हणून मामा-मामी स्वतःला मूल होऊन देत नाहीत. तिची सगळी स्वप्नं पूर्ण करण्यासाठी मामा-मामी झटत असतात. याची कृष्णालादेखील जाणीव असते. ती खूप समंजस आणि जबाबदार आहे. तिचं सीए बनायचं स्वप्न असतं. तिला उच्च शिक्षण घ्यायचंय आणि मामा-मामींची आर्थिक परिस्थिती सुधारायची असते. त्यादृष्टीनं तिचे प्रयत्न सुरु असतात'. ती पुढे म्हणते की, 'प्रेक्षक या मालिकेसाठी खूपच उत्सुक आहेत, याचा मला खूप आनंद आहे. प्रोमोज प्रदर्शित झाल्यापासून आम्हाला खूप सारे मेसेजेस येत आहेत. प्रेक्षकांना प्रोमो आणि संगीत आवडतंय'. बाजिंद म्हणजे काय? या मालिकेत बाजिंद हा शब्द मालिकेतील नायक रायासाठी वापरण्यात आला आहे. या शब्दाचा अर्थ इथे जिद्दी असा होतो. मालिकेत राया हा अतिशय जिद्दी दाखवण्यात येणार आहे. परंपरागत व्यवसायाला स्वतः कडील व्यवहार ज्ञानाने भरभराटीला नेणारा, माझं तुझं न करता प्रेमाची उधळण करणारा, त्याच्या कामाचा पसाराही मोठा आहे, असा बाजिंद नायक राया आहे. तर मालिकेतील नायिका कृष्णा ही मामा-मामीच्या घरी फुलासारखी वाढलेली, सी.ए. होण्याचं स्वप्नं पाहणारी, हुशार, सावरून घेणारी, मांडणी करणारी, संयमी, विचार करून कृती करणारी दाखवण्यात येणार आहे.
from Marathi Bollywood News, Marathi Cinema News https://ift.tt/2Uq6Sgk
