मुंबई: ‘’ या गाजलेल्या मालिकेतून घराघरांत पोहोचलेले ज्येष्ठ अभिनेते यांचं काही दिवसांपूर्वी वयाच्या ६३ व्या वर्षी निधन झालं. काही वर्षांपासून ते किडनीच्या विकाराने ग्रस्त होते. तर गेल्या काही महिन्यांपासून त्यांची प्रकृती खालावली होती. त्यांच्या उपचारांसाठी मोठा आर्थिक खर्च होणार होता. यासाठी अनेकांनी मदत करण्याचं आश्वासन दिलं होतं. पण त्यांना वाचवणं शक्य झालं नाही. अनुपम श्याम यांच्या उपचारांसाठी अभिनेता आमिर खाननं मदत करण्याचं आश्वासन दिलं होतं. पण जेव्हा खरी गरज होती, तेव्हा त्यांनी पाठ फिरवली आणि आमचा फोनही उचलणं बदं केलं ,असा आरोप यांच्या भावाने केला आहे. नुकत्याच दिलेल्या एका मुलाखतीत अनुराग श्याम ओझा यांनी यासंदर्भात खुलासा केला आहे. 'आमिर खाननं आम्हाला मदत करण्याचं आश्वासन दिलं होतं. पण त्यांनी असं केलं नाही. काही महिन्यांनंतर त्यांनी आमचा फोनही उचलणं बंद केलं. ‘मनकी आवाज : प्रतिज्ञा’ ही मालिका बंद होणार , असं समजल्यानंतर त्यांनी प्रचंड टेन्शन घेतलं होतं. त्यानंतर त्यांची तब्येत बिघडतंच गेली.', असं अनुराग यांनी म्हटलं आहे. छोट्या पडद्यानं ओळख मिळवून दिली ‘दूरदर्शन’वरील ‘अमरावती की कहानियाँ’ मालिकेत त्यांनी विविध भूमिका रंगविल्या. त्यानंतर १९९६मध्ये ‘दस्तक’ चित्रपटाद्वारे त्यांचे मोठ्या पडद्यावर पदार्पण झाले. ‘बँडिट क्वीन’, ‘दुश्मन’, ‘सत्या’, ‘दिल से’, ‘रक्तचरित्र’ आणि ‘लगान’ अशा चित्रपटांतून त्यांनी आघाडीच्या दिग्दर्शकांसोबत काम केले. ऑस्कर विजेता ‘स्लमडॉग मिलियनअर’मधील त्यांची भूमिका लक्षवेधी ठरली. त्याबरोबरच ‘द लिटिल बुद्ध’, ‘द वॉरिअर’, ‘थ्रेड’ अशा इंग्रजी; तसेच फ्रेंच आणि भोजपुरी चित्रपटांमधूनही त्यांनी भूमिका साकारल्या. प्रामुख्याने खलनायकी ढंगाच्या किंवा चरित्र भूमिका त्यांनी रंगविल्या. अलाहाबादी ढंग, करारी आवाज आणि अभिनयातील वैविध्य यांमुळे अगदी छोट्या भूमिकांमधूनही ते रसिकांची मने जिंकत. मात्र, त्यांना खऱ्या अर्थाने ओळख मिळवून दिली, ती छोट्या पडद्याने. ‘मनकी आवाज : प्रतिज्ञा’ या मालिकेत त्यांनी साकारलेली ठाकूर सज्जन सिंह या भूमिकेला प्रचंड दाद मिळाली. शोलेमधील ‘गब्बरसिंग’ प्रमाणेच प्रेक्षक त्यांना ‘सज्जनसिंह’ या पात्राच्या नावाने ओळखू लागले आणि रसिकांच्या आग्रहामुळेच पुढील सीझनमध्येही त्यांनी ही भूमिका साकारली. त्याबरोबरच ‘अम्मा अँड फॅमिली’, ‘रिश्ते’, ‘हमने ली है शपथ’ आणि ‘जय हनुमान’ अशा मालिकांमधून त्यांनी भूमिका साकारल्या. अल्पावधीत त्यांनी वेगळी ओळख निर्माण केली होती.
from Marathi Bollywood News, Marathi Cinema News https://ift.tt/3lTRzb1
