मुंबई : हिंदी सिनेसृष्टीतील दमदार अभिनेता म्हणून मनोज बाजपेयीने स्वतःची ओळख निर्माण केली आहे. आपल्या अभिनयाच्या जोरावर मनोजने चाहत्यांच्या मनात स्वतःचे असे स्थान निर्माण केले. अलिकडेच रिलीज झालेल्या 'फॅमिली मॅन' या वेबसीरिजच्या दुसऱ्या पर्वामुळे मनोजच्या लोकप्रियतेमध्ये अधिकच भर पडली. मनोजचा अभिनय अतिशय नैसर्गिक असल्याने त्याला राष्ट्रीय पुरस्कारानेही सन्मानित करण्यात आले आहे. अशा या लोकप्रिय अभिनेत्याने अलिकडेच मर्सिडीज बेन्ज गाडी विकत घेतली. इतक्या लाखांची आहे मनोजची गाडी मनोज बाजपेयीने पांढऱ्या रंगाची मर्सिडीज बेन्ज गाडी विकत घेतली. या गाडीची किंमत सुमारे ६९ लाख रुपये इतकी आहे. ही गाडी एसयूव्ही श्रेणीतील आहे. मनोजने ही गाडी मुंबईतूनच विकत घेतली. या गाडीमध्ये ३६० डिग्री कॅमेऱ्यासोबत टच बटनचे फिचर दिले आहे. याच्या स्पीडमध्ये रिकग्निशन सेंसर आहे, हे गाडीचे प्रमुख वैशिष्ट्य आहे. या गाडीची किंमत इतकी आहे की त्यामध्ये एक घर विकत घेता येऊ शकते. मनोज त्याच्या अभिनयाच्याबाबतीत खूपच गंभीर असतो. आपल्या अभिनयाबाबत तो सांगतो, 'मी माझं केलेलं काम पाहत नाही. जेव्हा पाहतो तेव्हा माझ्या कामातून मी उणीवा काढतो. या उणीवा सुधारण्याचा मी प्रयत्न करतो.' मनोज बाजपेयीच्या आगामी प्रोजेक्टबद्दल सांगायचे तर तो अभिषेक चौबे यांच्यासोबत एक सिनेमा करत आहे. लवकरच त्याचे चित्रीकरण सुरू होणार आहे.
from Marathi Bollywood News, Marathi Cinema News https://ift.tt/3iIfyIo
