मुंबई : बॉलिवूड अभिनेत्री आणि तिचा नवरा उद्योगपती यांच्यावर सातत्याने नवनवीन आरोप होत आहेत. पॉर्न व्हिडिओ तयार करून ते अॅपवर अपलोड केल्या प्रकरणी राज कुंद्राला पोलिसांनी अटक केली. राजसोबत आणखी काहीजणांना या पॉर्नोग्राफी व्हिडिओ प्रकरणी अटक झाली आहे. याप्रकरणी केलेल्या तपासामध्ये राजच्या विरोधात सबळ पुरावे मिळाल्याचा दावा मुंबई पोलिसांनी केला आहे. राज हाच या मागचा मास्टर माईंड असल्याचे पोलिसांचे म्हणणे आहे. दरम्यान, याप्रकरणी अटक झालेल्यांची पोलीस चौकशी करत आहेत. अलिकडेच मुंबई क्राईम ब्राँचने अभिनेत्री शर्लिन चोप्राची आठ तास चौकशी केली. ग्लॅमरस व्हिडिओ फोटोंची ऑफर होती शर्लिनच्या चौकशीच्या सुरुवातीलाच तिने सांगितले की, तिला हवे तितके प्रश्न विचारा ती सर्व प्रश्नांची उत्तरे देईल. यावेळी पोलिसांनी विचारलेल्या प्रश्नांची उत्तरे देताना शर्लिनने राज कुंद्राबद्दल अनेक धक्कादायक गोष्टी सांगितल्या. अलिकडेच शर्लिनने दिलेल्या एका मुलाखतीमध्ये स्पष्ट सांगितले होते की, शिल्पा शेट्टीला शर्लिनचे व्हिडिओ खूप आवडत असल्याचे राजने तिला सांगितले होते. मुलाखतीध्ये शर्लिन पुढे म्हणाली की, 'राज कुंद्राने मला सांगितले की, शिल्पाला तिचे व्हिडिओ आणि फोटो आवडतात. राजने मला असाही विश्वास दिला होता की या प्रोजेक्टमध्ये सेमी न्यूड दाखवले जाईल. या गोष्टी अशा आहेत की त्या सर्वचजण करतात त्यामुळे मलादेखील ते करायला काहीच हरकत नव्हती. मला माहिती नव्हते की यामुळे मी वादामध्ये अडकली जाईन.' त्याच्यामुळे माझे आयुष्यच बदलून गेले शर्लिनने पुढे सांगितले की, ' जेव्हा मी राज कुंद्राला पहिल्यांदा भेटले तेव्हा माझ्या मनात विचार आला की यामुळे माझे संपूर्ण आयुष्य बदलून जाईल. माझ्यासाठी ही सुवर्ण संधी होती. परंतु हे माहिती नव्हते की राज माझ्याकडून चुकीची कामे करवून घेईल. मी आर्म्स प्राइम कंपनीबरोबर करार केला होता आणि त्यांच्यासाठी व्हिडिओ करायला सुरुवात केली.' शर्लिनने पुढे सांगितले, 'सुरुवातीला मी ग्लॅमरस व्हिडिओ शूट करायची. त्यानंतर बोल्ड फिल्म करू लागले आणि त्यानंतर तर तर सेमी न्यूड आणि न्यूड व्हिडिओ मला करायला लागले. हे करताना मला सातत्याने असेच सांगितले गेले की, हे काही वाईट नाही, काही चुकीचे नाही, सगळेजण असे करतात.' शिल्पाला देखील माझे व्हिडिओ आणि फोटो आवडायचे शर्लिनने असेही सांगितले की, ' राज कुंद्रा मला नेहमी सांगायचा की शिल्पा शेट्टीला माझे व्हिडिओ आणि फोटो खूप आवडतात. त्याच्या असे सांगण्यामुळे मला देखील अजून काम करण्याची प्रेरणा मिळायची. शिल्पासारख्या ख्यातनाम अभिनेत्रीला जर माझे काम आवडत असेल तर मी जे करते ते योग्य आहे असेच मला वाटत होते. जेव्हा माझे कौतुक व्हायचे तेव्हा मी हे व्हिडिओ अधिक चांगले करण्यासाठी प्रयत्न करायचे.' जेव्हा शर्लिनला विचारण्यात आले की शिल्पा शेट्टीने तिला याबद्दल काहीच माहिती नाही असे सांगितले होते. त्यावर शर्लिनने उत्तर दिले की, 'शिल्पा शेट्टी कामात व्यग्र असते, त्यामुळे ती विसरली देखील असू शकते.'
from Marathi Bollywood News, Marathi Cinema News https://ift.tt/3lGIGl0
