मुंबई : टीव्ही अभिनेत्री श्वेता तिवारीने तिच्या अभिनयासाठी जशी ओळखली जाते, तशीच तिच्या व्यक्तिगत आयुष्यात सुरू असलेल्या घडामोडींसाठी देखील चांगलीच चर्चेत असते. श्वेताने दोनदा लग्न केले परंतु तिची दोन्ही लग्ने अयशस्वी ठरली. श्वेताला दोन्ही लग्नांमधून सुखाऐवजी दुःखच मिळाली. अतिशय खडतर काळातून जाऊनही श्वेताने तिची हिंमत आणि कणखरपणा टिकवून ठेवला आहे. श्वेता एकटीने मुलगी पलक तिवारी आणि मुलगा रेयांश यांचे संगोपन करत आहे. एका मुलाखतीमध्ये तिला दुसरे लग्न मोडण्यावरून प्रश्न विचारण्यात आला तेव्हा श्वेताचा संयम सुटला. काय म्हणाली श्वेता श्वेताला एका वृत्तवाहिनीला दिलेल्या मुलाखतीमध्ये तिचे दुसरे लग्न मोडण्यावरून प्रश्न विचारण्यात आला. त्यावेळी तिने उत्तर दिले, 'माझे दुसरे लग्न म्हणजे माझ्यासाठी इन्फेक्शन होते. या इन्फेक्शनमुळे मी खूप त्रासले होते, त्यामुळे माझ्या आयुष्यातून मी ते काढून टाकले आता मी ठीक आहे.' श्वेताने पुढे सांगितले, 'जर कुठल्या तरी एका कारणाने आपला हात तुटला तर आपण जगणे सोडत नाही ना. तसेच जीवनातील एका भाग खराब असेल तर त्याचा अर्थ असा नाही ना की आपण आयुष्य जगायचे सोडून द्यायचे. मला स्वतःसोबत मुलांचे संगोपनही करायचे आहे.' श्वेताने या मुलाखतीमध्ये तिचे लग्न तुटण्यावरून प्रश्न विचारणाऱ्या लोकांना विचारले की, 'लग्न मोडण्यावरून सातत्याने मला प्रश्न विचारणाऱ्यांना मला विचारायचे आहे की दुसरे लग्न अयशस्वी ठरू शकत नाही का? किमान माझ्यात इतकी हिंमत तरी आहे की मी लोकांशी याबाबत बोलू शकते. मी माझ्या नवऱ्याला सांगू शकले की मला तुझ्यासोबत रहायचे नाही.' अलिकडेच आणि तिचा दुसरा नवरा यांच्यामधील वाद सोशल मीडियावर खूपच गाजला होता. या वादादरम्यान श्वेताने एक सीसीटीव्ही फुटेज शेअर केले होते. त्यामध्ये अभिनव तिच्याकडून रेयांशला खेचून घेताना दिसत आहे. हा व्हिडिओ श्वेताने शेअर केल्यानंतर अनेक सेलिब्रिटींनी यावर प्रतिक्रिया व्यक्त केल्या होत्या. श्वेता तिवारीच्या कामाबद्दल सांगायचे तर ती ' ११' मध्ये दिसत आहे. त्याशिवाय श्वेता लवकरच एक सस्पेन्स थ्रिलर 'शुक्ला वर्सेस त्रिपाठी' या कार्यक्रमात दिसणार आहे. यामध्ये ती सीबीआय अधिकाऱ्याची भूमिका साकारणार आहे.
from Marathi Bollywood News, Marathi Cinema News https://ift.tt/3AmCBP0
