मुंबई: अभिनेत्री क्रिती सेननचं नाव आता बॉलिवूडच्या आघाडीच्या अभिनेत्रींमध्ये घेतलं जातं. फार कमी वेळात तिनं बॉलिवूडमध्ये स्वतःची वेगळी ओळख तयार केली. तिच्या अभिनयासोबतच तिच्या स्टायलिश लुकचही अनेकदा चर्चा झाली. नुकतंच तिनं ब्रायडल लुकमधले काही फोटो शेअर केले. तिच्या या फोटोंची सोशल मीडियावर प्रचंड चर्चा सुरू आहे. क्रितीनं लाल रंगाचा ब्रायडल लेहंगा परिधान केला आहे. तिचे दागिने, तिचा लुक पाहून चाहत्यांनी क्रितीच्या फोटोंवर लाइक्स आणि कमेंट्सचा वर्षाव केला आहे. या ब्रायडल लुकमध्ये क्रिती खूपचं सुंदर दिसत आहे. क्रितीचं हे ब्रायडल फोटोशूट नेटकऱ्यांचं लक्ष वेधून घेत आहे. प्रसिद्ध फॅशन डिझायनर मनिष मल्होत्राच्या खास कलेक्शनसाठी क्रितीनं हे फोटोशूट केलं आहे. क्रितीच्या कामाबद्दल बोलायचं झालं तर, तिनं अनेक हिट चित्रपटही दिले आहेत. 'हिरोपंती' या चित्रपटातून बॉलिवूडमध्ये पदार्पण केलं होतं. याशिवाय येत्या काळात ती प्रभासच्या 'आदिपुरूष'मध्ये मुख्य भूमिकेत झळकणार आहे. कोणाशी लग्न करणार? क्रितीनं आतापर्यंत वेगवेगळ्या अभिनेत्यांबरोबर काम केलं आहे. नुकत्याच दिलेल्या एका मुलाखतीत क्रितीला फ्लर्ट, डेटिंग आणि लग्न याविषयी प्रश्न विचारण्यात आले होते. ज्याची क्रितीनं बिनधास्त उत्तरं दिली. यात एक प्रश्न असा होता, 'प्रभास, टाइगर श्रॉफ आणि कार्तिक आर्यन यांच्यापैकी कोणाबरोबर फ्लर्ट, कोणाला डेट आणि कोणाशी लग्न करायला आवडेल?' त्यावर सुरुवातीला क्रिती जरा गोंधळलेली दिसली. नंतर मात्र तिनं बिनधास्तपणे उत्तर दिलं. क्रिती म्हणाली, 'मला कार्तिक आर्यनशी फ्लर्ट करायला आवडेल. टायगरला डेट करण्याची इच्छा आहे आणि लग्न प्रभासशी करायला आवडेल.'
from Marathi Bollywood News, Marathi Cinema News https://ift.tt/3zgG69B
