मुंबई : हिंदी सिनेसृष्टीमध्ये अनेक बिग बजेट सिनेमांची निर्मिती होत असते. या अशा मोठ्या सिनेमांमध्ये काम करणारे कलाकरही तितकंच मोठं मानधन घेतात. परंतु काही सिनेमांच्या पटकथा इतक्या दमदार असतात की त्या वाचून त्यात काम करणारे कलाकार पैशाला नाही तर त्यातील भूमिकेला महत्त्व देतात. अभिनेत्री ही देखील अशा कलाकारांमधील आहे. याच गोष्टीचा खुलासा दिग्दर्शक यांनी आपल्या आत्मचरित्रामध्ये केला आहे. राकेश ओमप्रकाश मेहरा यांचे 'द स्ट्रेंजर इन द मिरर' हे आत्मचरित्र अलिकडेच प्रकाशित झाले. या आत्मचरित्रामध्ये त्यांनी व्यक्तिगत आणि सिनेकरिअरमधील अनेक गोष्टींवर भाष्य केले आहे. या आत्मचरित्रामध्ये त्यांनी सांगितले की, '' हा त्यांचा महत्त्वाकांक्षी सिनेमा होता. फ्लाईंग सिख अशी ओळख असलेले धावपटू दिवंगत मिल्खा सिंग यांच्या जीवनावर आधारीत हा सिनेमा मेहरा यांनी केला. या सिनेमात फरहान अख्तरने मिल्खा सिंग यांची भूमिका साकारली होती. या सिनेमात अभिनेत्री सोनम कपूरही होती. सोनमने या सिनेमात काम करण्यासाठी मानधन घेतले नाही. टोकन म्हणून केवळ ११ रुपये घेतले. सोनमने घेतले केवळ ११ रुपये! सोनम कपूर या सिनेमात पाहुण्या कलाकाराच्या भूमिकेत होती. या सिनेमात तिची भूमिका भलेही छोटी होती परंतु या भूमिकेतून ती प्रेक्षकांच्या चांगलीच लक्षातही राहिली होती. जेव्हा राकेश यांनी तिला या सिनेमात ही भूमिका करण्यासाठी विचारले, तेव्हा ती लगेचच तयार झाली. या भूमिकेसाठी तिने अवघे ११ रुपये मानधन घेतले होते. याबाबत राकेश मेहरा यांनी लिहिले की, 'सोनमने या सिनेमात काम करण्यासाठी केवळ ११ रुपये घेतले. या सिनेमात ती पाहुणी कलाकर होती. भूमिकेच्या चित्रीकरणासाठी आम्हाला तिचे सात दिवस हवे होते. मिल्खा सिंग यांच्या आयुष्यावर आधारीत असलेल्या सिनेमात सोनमला तिचे योगदान द्यायचे होते. त्यामुळे भूमिका छोटी असूनही लगेचच तिने काम करायची तयारी दाखवली. ही गोष्ट माझ्यासाठी अतिशय महत्त्वाची होती.' राकेश मेहरा यांचे सोनमशी जिव्हाळ्याचे संबंध राकेश ओमप्रकाश मेहरा यांनी आपल्या आत्मचरित्रामध्ये सोनम कपूरसोबत 'दिल्ली ६' या सिनेमातही काम केले होते. काम करताना या दोघांमध्ये छान मैत्री झाली. त्यानंतर त्यांनी 'भाग मिल्खा भाग' सिनेमामध्ये एकत्र काम केले.
from Marathi Bollywood News, Marathi Cinema News https://ift.tt/3ArUT12
