मुंबई : या कार्यक्रमाची येत्या ७ आणि ८ ऑगस्ट रोजी सेमी फायनल आहे. त्यानंतर १५ ऑगस्ट रोजी या कार्यक्रमाचा ग्रँड फिनाले आहे. त्या दिवशी रात्री १२ वाजता इंडियन आयडलच्या १२ व्या पर्वाचा विजेता घोषित होणार आहे. ग्रँड फिनालेला आता अवघे काही दिवस बाकी राहिले आहेत. हा कार्यक्रम संस्मरणीय व्हावा, यासाठी निर्मात्यांनी कंबर कसली आहे. कार्यक्रमातील सर्व स्पर्धकही जीव तोडून मेहनत घेत आहे. या आठवड्याअखेरीस होणाऱ्या कार्यक्रमात निर्माता-दिग्दर्शक विशेष पाहुणा म्हणून सहभागी होणार आहे. इंडियन आयडल १२ च्या निर्मात्यांनी आगामी भागाचा प्रोमो रिलीज केला आहे. त्यामध्ये करण जोहर इंडियन आयडल १२ च्या सेटवर धमाकेदार एण्ट्री करताना दिसत आहे. त्यानंतर त्याने या कार्यक्रमातील सर्व स्पर्धकांचे भरभरून कौतुक केले. करणने स्पर्धकांना दिली ही ऑफर करण जोहरने त्यानंतर या कार्यक्रमातील स्पर्धकांना त्याच्या धर्मा प्रॉडक्शनसाठी काम करण्याची इच्छा व्यक्त केली आहे. या स्पर्धकांपैकी काहींना त्याने त्याच्या सिनेमासाठी गाण्याची संधी देण्याची इच्छा व्यक्त केली आहे. करणने दिलेली ही ऑफर ऐकून सर्व स्पर्धकांच्या चेहऱ्यावर आनंद पसरला. शाहरुखसाठी गाणे गाताना उदित नारायण घालतात गुलाबी शर्ट त्यानंतर करण जोहरने आदित्य नारायणचे वडील आणि ज्येष्ठ गायक उदित नारायण यांच्याशी संबंधित एक मनोरंजक किस्सा सांगितला. करणने सांगितले, 'माझ्या कुछ कुछ होता है या टायटल ट्रॅकसाठी उदित नारायण गाणे गाणार होते. शाहरुख खानसाठी त्यांना गायचे आहे, हे जेव्हा उदित नारायण यांना कळले. तेव्हा त्यांनी मला सांगितले की ते शाहरुखसाठी गाणे गाताना फक्त गुलाबी रंगाचाच शर्ट घालतात. त्यानंतर उदित नारायण तडक घरी गेले आणि गुलाबी रंगाचा शर्ट घालून आले.' 'त्यांनी जो शर्ट घातला होता, त्याचा रंग उडाला होता. परंतु त्यांनी तोच शर्ट घातला आणि ते गाणे गायले. त्यांनी गायलेली या सिनेमातील गाणी आजही लोकप्रिय आहेत...' करणने जेव्हा याबाबत आदित्यला विचारले तेव्हा त्याने याला दुजोरा दिला. तो म्हणाला, शाहरुखसाठी गाणी म्हणताना ते नेहमीच गुलाबी शर्ट घालतात. त्यांच्यासाठी गुलाबी शर्ट लकी आहे. दरम्यान इंडियन आयडल १२ कार्यक्रमात आता पवनदीप राजन, अरुणिता कांजीलाल, सायली कांबळे, निहाल तारो, मोहम्मद दानिश आणि शन्मुखा प्रिया हे सहा स्पर्धक राहिले आहेत. या आठवड्यात यातील एका स्पर्धकाचे एलिमिनेशन होणार आहे.
from Marathi Bollywood News, Marathi Cinema News https://ift.tt/3xsTMwf
