मुंबई: गेल्या काही दिवसांपासून बॉलिवूडचा प्रसिद्ध रॅप गायक चर्चेत आला आहे. त्याची पत्नी शालिनी सिंग हिनं त्याच्यावर घरगुती हिंसाचार लैंगिक शोषण, मानसिक छळ यांसारखे गंभीर आरोप केले आहेत. इतकंच नव्हे तर गेली दहा वर्षे हे सर्व सुरू असल्याचं तिनं म्हटलं आहे. हे सर्व प्रकार आता सहन न झाल्यानं शालिनीनं हनी सिंगविरोधात दिल्लीच्या तीस हजारी न्यायालयात ‘कौटुंबिक हिंसाचारापासून महिलांचे संरक्षण अधिनियम,’ अंतर्गत याचिका दाखल केली आहे. शालिनीनं हनी सिंगवर केवळ कौटुंबिक हिसांचार नव्हे तर नवऱ्यानं आणि त्याच्या कुटुंबियांनी आपली आर्थिक फसवणूक केली असल्याचंही म्हटलं आहे. लग्नानंतरच्या दहा वर्षांत घडलेले अनेक प्रसंग तिनं आता सांगितले आहेत. तिनं हनी सिंगच्या कुटुंबियांबद्दलही अनेक धक्कादायक खुलासे केलेत. हनी सिंगच्या वडिलांनी नात्याला काळीमा फासल्याचं तिनं म्हटलं आहे. शालिनी कपडे बदलत असताना हनी सिंगचे वडिल मद्यधुंद रुममध्ये आले होते. ते इतक्यावरच थांबले नाहीत तर, त्यांनी शालिनीच्या छातीवर हात फिरवायला सुरुवात केली, असा प्रसंग तिनं सांगितला आहे. काय आहे नेमकं प्रकरण? हनी सिंगची पत्नी शालिनी हिनं त्याच्या विरोधामध्ये दिल्लीच्या तीस हजारी न्यायालयात याचिका दाखल केली आहे. शालिनीने या याचिकेमध्ये हे देखील सांगितलं आहे की, इतर महिलांबरोबर त्याचे शारीरिक संबंध होते. म्हणूनच काही वर्ष त्यानं लग्न देखील लपवून ठेवलं होतं. लग्नाच्या तीन वर्षांनी त्यानं पत्नी म्हणून ओळख करून दिली होती. जेव्हा पत्नी त्याच्याबरोबर टूरला जाण्यासाठी त्याला विचारायची तेव्हा तिला तो मारहाण देखील करायचा.
from Marathi Bollywood News, Marathi Cinema News https://ift.tt/2VxnH9D
