नवी दिल्ली: अनेक भारतीय खेळाडूंनी टोकियो ऑलिम्पिकमध्ये उत्कृष्ट प्रदर्शन केले असून देशाचे नाव जागतिक स्तरावर उंचावले आहे. अशात, जेव्हा एखाद्या देशाचा खेळाडू ऑलिम्पिकमध्ये देशाचे प्रतिनिधित्व करतो, देशासाठी पदक जिंकतो तेव्हा सहसा लोकांना त्यांच्या कामगिरीबध्दल,पदकाबद्दल जाणून घेण्याची उत्सुकता असते. परंतु, गुगल ट्रेंडचे आकडे सांगतात आहे की, भारतातील लोकांना ऑलिम्पिक २०२१ मध्ये सहभागी होणाऱ्या भारतीय खेळाडूंची कामगिरी, त्यांची मेहनत नाही तर त्यांची 'जात' जाणून घेण्यात अधिक रस आहे. वाचा: गुगल ट्रेंड्समध्ये, टोकियो ऑलिम्पिकमध्ये कांस्यपदक पटकावणाऱ्या पुसर्ला वेंकट सिंधूची जात म्हणजे गुगलवर सर्वाधिक सर्च केली जात आहे. पीव्ही सिंधूची जात जाणून घेण्यात आंध्र प्रदेश आणि झारखंडमधील लोकांनां विशेष रस असल्याचे गुगल ट्रेंड्सचे आकडे सांगतात. पीव्ही सिंधूच्या जातीचा शोध घेण्यात आंध्र प्रदेश पहिल्या क्रमांकावर, झारखंड दुसऱ्या क्रमांकावर तेलंगणा तिसऱ्या क्रमांकावर, उत्तर प्रदेश चौथ्या क्रमांकावर आणि बिहार पाचव्या क्रमांकावर आहे. १ ऑगस्टला, पीव्ही सिंधू कास्ट सर्च मध्ये तब्बल ७०० टक्के वाढ झाली आहे. पीव्ही सिंधूच्या जातीबद्दल Google वर शोध घेण्याची ही काही पहिली वेळ नाही. यापूर्वी देखील ऑगस्ट २०१६ मध्ये जेव्हा सिंधूने रिओ समर ऑलिम्पिकमध्ये रौप्य पदक जिंकले होते. तेव्हाही असेच झाले होते . महत्वाचे म्हणजे पीव्ही सिंधूच्या जातीसह , pusarala caste, pusarla surneme caste सारखे कीवर्ड देखील सर्च केले जात आहेत. यापूर्वी साक्षी मलिक, पुलेला गोपीचंद, दीपिका कुमारी, संजू सॅमसनसारख्या दिग्गज खेळाडूंची जात जाणून घेण्याचा प्रयत्न लोकांनी केला आहे. गुगलवर एखाद्या भारतीय खेळाडूची जात शोधण्याची ही पहिली वेळ नाही. २०१६ मध्ये, जेव्हा कुस्तीपटू साक्षी मलिकने रिओ समर ऑलिम्पिकमध्ये कांस्यपदक जिंकले होते. तेव्हा देखील साक्षीच्या जातीबद्दल गुगलवर बरेच सर्च करण्यात आले होते. यावर्षी जानेवारी महिन्यातही sakshi malik caste, malik caste सारखे कीवर्ड गुगलवर टॉप ट्रेंडमध्ये होते. एथलीट दीपिका कुमारी महतोने २०१० राष्ट्रकुल खेळांमध्ये तिरंदाजीमध्ये सुवर्णपदक जिंकले होते. तेव्हापासून लोक आज पर्यंत गुगलवर दीपिकाची जात शोधण्यात आपला वेळ घालवत आहे. गेल्या १० वर्षांपासून लोकांची दीपिकाची जात जाणून घेण्यासाठीची अस्वस्थता अजूनही कायम आहे हे विशेष. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3rOgTQV
