मुंबई- पॉर्नोग्राफी प्रकरणात राज कुंद्रासमोरील अडचणी दिवसागणिक वाढताना दिसत आहेत. आर्थर रोड कारागृहात बंद असलेला सुटकेच्या प्रतीक्षेत आहे. तर पोलीस सातत्याने नवीन साक्षीदारांचे जबाब नोंदवत आहे. या प्रकरणात बुधवारी आणखी एक पीडित अभिनेत्री आणि मॉडेलने तिचा जबाब नोंदवला. यामध्ये पीडितेने दावा केला की, एका अडल्ट शूटची तिला ऑफर देण्यात आली होती. त्यात काही नग्न दृश्य चित्रीत करण्यात आली होती. यावेळी गुप्तांगाचे व्हिडिओ अभिनेत्रीच्या नकळत शूट केले गेले आणि नंतर ओटीटी अॅपवर अपलोड केले गेले. पीडित अभिनेत्रीने केले खळबळजनक दावे 'टाइम्स नाऊ'च्या अहवालानुसार, बुधवारी पोलिसांनी या संदर्भात पीडित अभिनेत्रीचा जबाब नोंदवून घेतला. पीडितेने मालवणी पोलीस ठाण्यात याबाबत एफआयआर दाखल केली होती. आपल्या निवेदनात अभिनेत्रीने आरोप केला की, इंटीमेट सीनचे शूटिंग करताना तिला गुप्तांगाचा भाग व्हिडिओमध्ये दाखवला जाणार नसल्याचे सांगण्यात आले होते. मात्र शूटिंगच्या काही दिवसांनी मित्राने तिला प्रायव्हेट पार्ट्स व्हिडिओमध्ये दाखवले गेले असल्याचं सांगितलं. शूटिंगपूर्वी करारावर सही घेण्यात आली पीडितेने पोलिसांना सांगितले की जेव्हा तिने व्हिडिओ पाहिला तेव्हा तिला धक्का बसला. जे आश्वासन करण्यात आलं होतं त्याच्या पूर्ण विरुद्ध व्हिडिओ दाखवण्यात आला. व्हिडिओत कोणतंही एडिटिंग करण्यात आलं नव्हतं. जसा तो शूट केला होता तसाच तो अपलोड केला गेला. पीडितेने असेही सांगितले की वेब शोच्या शूटिंगपूर्वी करारावर सही करून घेण्यात आली आणि शूटिंगसाठी काही हजार रुपये दिले गेले. या करारात न्यूड आणि इंटीमेट सीन शूट करण्यात येणार असल्याचं सांगण्यात आलं होतं.
from Marathi Bollywood News, Marathi Cinema News https://ift.tt/3lB81gg
