मुंबई : पॉर्नोग्राफी प्रकरणी अभिनेत्री शिल्पा शेट्टीचा नवरा आणि उद्योगपती राज कुंद्राला अटक झाली आहे. राजला अटक झाल्यामुळे त्याचा थेट परिणाम शिल्पाच्या व्यावसायिक आयुष्यावर होत आहे. जेव्हापासून राजला अटक झाली तेव्हापासून शिल्पा या कार्यक्रमात सहभागी झालेली नाही. या कार्यक्रमात सुरुवातीपासून शिल्पा परीक्षक म्हणून काम करत आहे. जवळपास तीन आठवड्यांपासून शिल्पा या कार्यक्रमात सहभागी झालेली नाही. त्यामुळे राज कुंद्राच्या अटकेमुळे कार्यक्रमाच्या निर्मात्यांनी शिल्पाला नारळ दिल्याची चर्चा सुरू झाली आहे. अर्थात याबाबत निर्मात्यांनी अधिकृतपणे काहीही सांगितलेले नाही. आणि मौसमी चॅटर्जी होणार सहभागी या आठवड्यामध्ये प्रसारित होणाऱ्या सुपर डान्सर ४ या कार्यक्रमात अभिनेत्री सोनाली बेंद्रे आणि ज्येष्ठ अभिनेत्री मौसमी चॅटर्जी प्रमुख पाहुण्या म्हणून सहभागी होणार आहेत. या दोघींसमोर कार्यक्रमातील स्पर्धक त्यांची कला सादर करणार आहेत. या दोघींनी कार्यक्रमातील सर्व स्पर्धकांना खास भेटवस्तूही दिल्या आहेत. त्याचप्रमाणे या दोघींनी सिनेसृष्टीतील त्यांच्या आठवणींना उजाळाही दिला. कार्यक्रमातील स्पर्धकांनी या दोन्ही अभिनेत्रींवर चित्रीत झालेल्या लोकप्रिय गाण्यांवर नृत्य सादर केले. ते पाहून सोनाली आणि मौसमी खूपच भावुक झाल्या. इतकेच नाही तर सोनाली आणि मौसमी यांनी एकत्र डान्सही केला. यावेळी कार्यक्रमातील स्पर्धकांनी या दोघींवर चित्रीत केलेल्या गाण्यांवर डान्स केला. तीन आठवड्यांपासून शिल्पाची अनुपस्थिती राज कुंद्राला अटक झाल्यापासून शिल्पाने या कार्यक्रमात सहभागी झालेली नाही. राजला अटक होऊन आता तीन आठवडे उलटले आहेत. राजला अटक झाल्यामुळे शिल्पाच्या हातातून अनेक महत्त्वाचे प्रोजेक्टस गेले आहेत.
from Marathi Bollywood News, Marathi Cinema News https://ift.tt/3inBrwq
