मुंबई- बॉलिवूड अभिनेता सलमान खानला तिचा भाऊ मानते आणि या रक्षाबंधनापूर्वीही तिने भाईजानला राखी बांधायची असल्याची इच्छा बोलून दाखवली होती. विशेष म्हणजे राखीने तिची ही इच्छा पूर्णही केली. यासंबंधीचा एक व्हिडिओ तिने सोशल मीडियावर शेअर केला आहे. रक्षाबंधनानंतर राखीने हा व्हिडिओ शेअर केला आहे. व्हिडिओ शेअर करताना तिने लिहिले की, 'माझा भाऊ , सोहेल, ... तुम्हा सर्वांना राखीच्या शुभेच्छा, तुम्ही तिघेही माझ्या पाठीशी उभे राहिलात आणि मला मदत केली.' या व्हिडिओमध्ये विकास गुप्ता, ज्याला राखी आपला भाऊ आणि खूप चांगला मित्र मानते, तो राखीला भेटायला येतो. राखीच्या हातात रक्षाबंधनाची थाळी दिसते. मात्र, इथे सलमान किंवा सोहेल स्वतः येत नाहीत तर त्यांचे फोटो भिंतीवर दिसत आहे. सलमान आणि सोहेलच्या फोटोंवर राखी बोलते की, सोहेल आणि सलमानने तिच्या आईच्या ऑपरेशनपासून सर्व गोष्टींची काळजी घेतली. तिला त्यांना राखी बांधायची होती, पण ते सध्या रशियात आहे, त्यामुळे ते होऊ शकलं नाही. राखी विकास गुप्ताला सांगते की, 'तू आता मुंबईत आहेस, म्हणून मी तुला राखी बांधत आहे. राखी सावंत जेव्हा बिग बॉसमध्ये होती, तेव्हा तिच्या आईला कर्करोग झाल्याचं निदान झालं होतं. याचमुळे राखीने 'बिग बॉस १४' मधून बक्षिसाची रक्कम घेऊन घर सोडण्याचा निर्णय घेतला होता. जेणेकरून ती मिळवलेल्या पैशातून आईचे उपचार करणार होती. मात्र, राखीने स्वतः सांगितले होते की, सोहले आणि सलमानने तिच्या आईच्या उपचारांचा आणि ऑपरेशनचा संपूर्ण खर्च उचलला होता.
from Marathi Bollywood News, Marathi Cinema News https://ift.tt/3kmlm9R
