मुंबई: अभिनेता अक्षय कुमारची मुख्य भूमिका असलेला चित्रपट '' लवकरच प्रेक्षकांच्या भेटीला येणार आहे. काही दिवसांपूर्वीच चित्रपटाचा ट्रेलर रिलीज झाला. ज्याची सोशल मीडियावर जोरदार चर्चा झाली. त्यानंतर नुकतंच या चित्रपटातील 'मरजावां' हे गाणं देखील रिलीज झालं आहे. अशातच या गाण्याचा एक BTS व्हिडिओ शेअर केला आहे. जो पहिल्यावर कोणालाच हसू आवरणार नाही. हा व्हिडीओ शेअर करताना अक्षयनं हे त्याचं आवडतं गाणं असल्याचं सांगितलं आहे. अक्षय कुमारनं त्याच्या सोशल मीडियावर एक व्हिडीओ शेअर केला आहे. हा व्हिडीओ शेअर करताना त्यानं लिहिलं, 'माझं 'बेल बॉटम'मधील आवडतं गाणं. मला या गाण्याची धून खूप आवडते आणि याच्या ओळी देखील खूप सोप्या सरळ आहेत. कानांना एक वेगळाच आनंद देतात. याचा अर्थ हे गाणं खूपच चांगलं आहे जर तुम्ही व्यवस्थित ऐकलं तर' अक्षयनं शेअर केलेल्या या व्हिडीओमध्ये सर्व शूट कसं झालं हे दाखवण्यात आलं आहे. यात आणि एका झोपाळ्यावर झोपलेले दिसत आहेत. अशात वाणी कपूर दुसऱ्या बाजूला जाण्याचा प्रयत्न करते आणि अशात तोल जाऊन अक्षय आणि वाणी झोपाळ्यावरून खाली पडतात. हे सर्व अचानक घडल्यानं त्यांच्या टीमला देखील सुरुवातीला काय झालं हे समजत नाही. रंजित तिवारी यांचं दिग्दर्शन असलेला 'बेल बॉटम' हा चित्रपट येत्या १९ ऑगस्टला चित्रपटगृहात प्रदर्शित होणार आहे. हा चित्रपट प्रेक्षकांना ३डी इफेक्टमध्येही पाहता येणार आहे. या चित्रपटात अक्षय कुमार एका रॉ एजंटच्या भूमिकेत दिसणार आहे. तर वाणी कपूर त्याच्या पत्नीची भूमिका साकारत आहे. याशिवाय अभिनेत्री लारा दत्ता दिवंगत माजी पंतप्रधान इंदिरा गांधी यांच्या भूमिकेत दिसणार आहे.
from Marathi Bollywood News, Marathi Cinema News https://ift.tt/3CuZyRS
