मुंबई- टेलिव्हिजनचा सर्वात लोकप्रिय गायन रिअॅलिटी शो आता शेवटच्या टप्प्यावर पोहोचला आहे. या लोकप्रिय शोचा ग्रँड फिनाले १५ ऑगस्ट रोजी होणार आहे. रविवारी शोची सेमी फायनल होती पण निर्मात्यांनी कोणत्याही स्पर्धकाला बाहेर न काढता सहाही स्पर्धकांना अंतिम फेरीत स्थान दिले. अरुणिता कांजीलाल, सायली कांबळे, , निहाल तारो, मोहम्मद दानिश आणि शनमुखप्रिया अंतिम फेरीच्या शर्यतीत आहेत. पवनदीप राजनला सेमीफायनलमध्ये सर्वाधिक मते मिळाली आहेत. तो सुरुवातीपासूनच प्रत्येकाची पहिली पसंत होता. आता इंडियन आयडलची ट्रॉफी कोण आपल्या नावावर करत हे पाहणं बाकी आहे. दरम्यान, इंडियन आयडलच्या सेटवरून एक फोटो व्हायरल झाला होता. यात पवनदीप वगळता सर्व स्पर्धक होते. नेमकी याच गोष्टीमुळे पवनदीप सेमीफायनलमधून बाहेर पडल्याचा अंदाज व्यक्त केला जात होता. पण प्रदर्शित झालेल्या एपिसोडमध्ये त्याला सर्वाधिक मते मिळाल्याचं स्पष्ट झालं. रविवारी प्रसारित झालेल्या भागात करण जोहरने पाहुणा म्हणून उपस्थिती लावली होती. सर्व स्पर्धकांनी एकापाठोपाठ एक अनेक उत्तम गाणी सादर केली. याचवेळी पवनदीप राजन सोशल मीडियावर ट्रेंड करत होता. दरम्यान, करण शाहरुख खानला कधी आणि कसा भेटला याबद्दलही सांगितलं. या दोघांची मैत्री हा सिनेसृष्टीतला आजही चर्चेचा विषय मानला जातो. इंडियन आयडलच्या १२ व्या सीझनच्या स्पर्धकांना शो संपण्यापूर्वीच ऑफर्स मिळू लागल्या आहेत. अरुणिता कांजीलाल आणि मोहम्मद दानिश यांना करण जोहरने धर्मा प्रोडक्शनमध्ये गाणं गाण्याची ऑफर दिली आहे. याआधी हिमेश रेशमियाने सवाई भट्ट, पवनदीप राजन आणि अरुणितासोबत गाणे शूट केले आहे. जसजसा शोचा ग्रँड फिनाले जवळ येत आहे, तशा लोकांच्या नजरा त्यांच्याशी संबंधित प्रत्येक छोट्या- मोठ्या बातम्यांवर आहे. आशिष कुलकर्णी शोमधून बाहेर पडल्यानंतर, शोला टॉप सहा स्पर्धक मिळाले. पवनदीप राजन, सायली कांबळे, निहाल, शनमुखप्रिया, अरुणिता कांजीलाल, मोहम्मद दानिश अर्थात आता यापैकी एक ग्रँड फिनालेमध्ये इंडियन आयडल १२ ट्रॉफी जिंकेल.
from Marathi Bollywood News, Marathi Cinema News https://ift.tt/3lKgMVj
