मुंबई- '' सध्या प्रेक्षकांमध्ये प्रचंड लोकप्रिय ठरत आहे. एकीकडे घरातील सदस्य एकमेकांना समजून घेत टास्क खेळताना दिसत आहेत, तर दुसरीकडे काही सदस्यांमध्ये वाद होताना दिसतोय. परंतु, घरातील सदस्य ही सोशल मीडियावर प्रचंड चर्चेत आहे. स्नेहा तिच्या बिग बॉस मधील खेळासाठी चाहत्यांमध्ये चर्चेत नाहीये तर तिने केलेल्या तिच्या दोन्ही लग्नांबद्दलच्या वक्तव्यांमुळे आहे. दोन्ही लग्नात आपला छळ झाल्याचा खुलासा स्नेहाने काही वर्षांपूर्वी केला होता. आता स्नेहाच्या दुसऱ्या पतीने तिच्याकडे छळ झाल्याचे पुरावे मागितले आहेत. स्नेहाने इंटेरिअर डिझायनर सोबत दुसरं लग्न केलं होतं. परंतु, अवघ्या आठ महिन्याच्या कालावधीतच ते वेगळे झाले. आपल्या दुसऱ्या पतीने देखील आपला छळ केला असं स्नेहाने एका मुलाखतीत म्हटलं होतं. परंतु, स्नेहाचं ते वक्तव्य आता सोशल मीडियावर प्रचंड व्हायरल होत आहे. त्यामुळे अभिनेत्री काम्या पंजाबी हिने स्नेहाला व्हिक्टीम कार्ड खेळू नको असं बजावलं होतं. काम्याने आपली बाजू घेतलेली पाहून स्नेहाचा दुसरा पती अनुराग यानेही ट्वीट करत स्नेहाकडे छळ केल्याचे पुरावे मागितले. अनुरागने लिहिलं, 'मला हे पाहून धक्का बसलाय की लोक खेळासाठी किती खालच्या पातळीवर जातात. मला आणखी काही बोलायची इच्छा नाहीये. मी फक्त एक विनंती करतो की जेव्हा तू 'बिग बॉस मराठी ३' मधून बाहेर येशील तेव्हा कृपया मी छळ केल्याचे पुरावे सगळ्यांना दाखव.' असं म्हणत अनुरागने स्नेहाकडे पुराव्यांची मागणी केली आहे. स्नेहाने वयाच्या १९ व्या वर्षी अविष्कार दारव्हेकर सोबत लग्न केलं होतं. मात्र घरगुती हिंसाचाराला बळी पडल्याने स्नेहाने काही वर्षात घटस्फोट घेतला होता. त्यानंतर स्नेहाने अनुरागसोबत विवाह केला होता. सध्या स्नेहा आणि अविष्कार बिग बॉसच्या घरात राहत आहेत.
from Marathi Bollywood News, Marathi Cinema News https://ift.tt/3u4Bhy5
