मुंबई- नुकत्याच सुरू झालेल्या '' ने प्रेक्षकांचं लक्ष आपल्याकडे वेधून घेण्यास सुरुवात केली आहे. बिग बॉसच्या घरात टिकून राहण्यासाठी सदस्यांनी खेळात राजकारण केलं नाही तर नवलंच म्हणावं लागेल. घरातील काही सदस्य अजूनही घरात रुळण्याचा प्रयत्न करत आहेत. तर काही सदस्यांनी स्वतःचा असा खेळही सुरू केला आहे. एकमेकांवर कुरघोडी करून आपण या खेळात कसे पुढे जाऊ याचा विचार घरातील काही सदस्य करत आहेत. त्यात घरातील सदस्य आणि यांनी त्यांचा खेळ खेळायला सुरुवात केली आहे. जय आणि उत्कर्ष मिळून विरोधात कट रचत आहेत. वाहिनीतर्फे दाखवण्यात आलेल्या प्रोमोमध्ये जय आणि उत्कर्ष आपापसात पुढील खेळाचा आराखडा तयार करत आहेत. त्यातच पुढील खेळामध्ये त्यांना धोकादायक ठरू शकणाऱ्या काही सदस्यांची नावं ते घेतात. जय सुरुवातीला सोनालीला खेळ समजून घ्यायला मदत केल्याचं सांगतो. त्यानंतर उत्कर्ष सोनालीचं नाव घेतो. ती फक्त मनोरंजन करणारी व्यक्ती आहे आणि आपण तिला कधीही बाजूला करू शकतो असं म्हणतो. त्यानंतर जय आणि उत्कर्ष मिळून विशाल विरोधात कारस्थान करतात. विशाल अत्यंत भावनिक मुलगा असल्याने त्याला वाईट वाटेल असं वागायचं ते ठरवतात. जय उत्कर्षला कल्पना सांगत म्हणतो की, विशाल खूप भावनिक आहे. त्याला आपण आरामात बाजूला करू शकतो. यासोबतच जय उत्कर्षला विशालसोबत फार न बोलता त्याला एकटं पाडण्यासाठी सांगतो. विशालची दुखरी नस हीच आहे असं म्हणत जय आणि उत्कर्ष विशालला घराबाहेर काढण्यासाठी कट रचताना दिसतात. आता विशाल जय आणि उत्कर्षच्या कारस्थाला बळी पडतो का, हे पाहणं औत्सुक्याचं ठरेल.
from Marathi Bollywood News, Marathi Cinema News https://ift.tt/3CBowhG
