मुंबई : छोट्या पडद्यावरील बहुचर्चित आणि बहुप्रतिक्षीत अशा ला प्रारंभ झाला आहे. या कार्यक्रमामध्ये दख्खनचा राजा ज्योतिबा आणि जय भवनी जय शिवाजी या मालिकांमुळे लोकप्रिय झालेला अभिनेता स्पर्धक म्हणून सहभागी झाला आहे. या मालिकांमधून विशाल घराघरात लोकप्रिय झाला आहे. तशीच लोकप्रियता बिग बॉस मराठी ३ च्या घरात विशाल मिळव इतर स्पर्धकांवर कुरघोडी करतो का याकडे त्याच्या चाहत्यांचे लक्ष लागले आहे. मराठी टीव्ही आणि सिनेमासृष्टीमध्ये २७ वर्षांचा विशाल एक गुणी आणि मेहनती अभिनेता म्हणून ओळखला जातो. सध्याच्या काळातील तो हरहुन्नरी अभिनेता म्हणूनही प्रसिद्ध आहे. विशालने आतापर्यंत ऐतिहासिक भूमिका केल्या आहेत. त्यामध्ये दख्खनचा राजा ज्योतीबा आणि जय भवानी जय शिवाजी या मालिकांचा समावेश आहे. जय भवानी जय शिवाजी या मालिकेत विशालने शिवा काशिदची भूमिका साकारली होती. त्याच्या या भूमिकेचे खूप कौतुकही झाले. विशालचा जन्म १० फेब्रुवारी १९९४ रोजी सांगली जिल्ह्यातील देवखिंडी येथे झाला. विशालला अभिनयासोबतच फिटनेसची देखील आवड आहे. विशालने त्याच्या करिअरची सुरुवात मिथुन या सिनेमाद्वारे केली. हा सिनेमा २०१८ मध्ये प्रदर्शित झाला होता. त्या सिनेमामध्ये त्याने मुख्य भूमिका साकारली होती. त्याच्यासोबत अमृता धोंगडे ही अभिनेत्री होती. त्यानंतर विशालने धुमस या मराठी सिनेमातही काम केले. परंतु विशालला लोकप्रियता मिळाली ती दख्खनचा राजा ज्योतिबा आणि जय भवानी जय शिवाजी या टीव्ही मालिकांमुळे. आता बिग बॉस मराठी ३ च्या घरात येऊन विशाल त्याची लोकप्रियता अधिक कशी वाढवतो आणि इतर स्पर्धकांना कसे नमवतो याकडे त्याच्या चाहत्यांचे लागले आहे.
from Marathi Bollywood News, Marathi Cinema News https://ift.tt/2XuQZqa
