मुंबई- घराघरात लोकप्रिय ठरलेला कार्यक्रम '' पुन्हा एकदा प्रेक्षकांच्या चर्चेचा विषय ठरला आहे. बिग बॉस कडून घरातील सदस्यांना देण्यात येणाऱ्या टास्कमुळे प्रेक्षक पुन्हा एकदा 'बिग बॉस मराठी ३' पाहण्यास उत्सुक झाले आहेत. नुकतीच घरात बिग बॉसची चावडी भरवण्यात आली आहे. या चावडीवर कार्यक्रमाचे सूत्रसंचालक लोकप्रिय अभिनेते, दिग्दर्शक घरातील सदस्यांची पोलखोल करताना दिसले. सोबतच येत्या भागात महेश यांनी घेतलेल्या खेळात तृप्ती देसाई आणि शिवलीला पाटील यांच्यात वाद झालेले पाहायला मिळणार आहेत. बिग बॉसच्या चावडीवर महेश यांनी मीरा, उत्कर्ष, गायत्री यांची चांगलीच शाळा घेतली. सोबतच दादूस यांच्या खेळाचं कौतुक केलं. या आठवड्यात स्नेहा वाघ सर्वोत्कृष्ट मालकीण ठरली आहे तर अविष्कार वाईट सेवक ठरला आहे. त्यासोबतच चावडीवर एक खेळही घेण्यात येणार आहे ज्यात घरातील सदस्य दुसऱ्या सदस्याबद्दल त्यांना खटकणाऱ्या गोष्टी बोलणार आहेत. या खेळात मीनल जय बद्दल बोलणार आहे तर तृप्ती शिवलीला हिला स्वतःचा खेळ खेळण्यासाठी सांगणार आहेत. परंतु, शिवलीलाला सल्ला देताना तृप्ती म्हणतात, 'तुला तुझ्या स्वतःच्या बुद्धीचा वापर करताच येत नाही का? तुला इतर कोणी जे सांगेल ते तू मान्य करतेस.' त्यावर शिवलीला देखील तृप्ती यांना उत्तर देताना दिसणार आहे. शिवलीला तृप्ती यांना म्हणते, ' मला जिथे बोलायचं तिथे मी बोलते पण मी सगळ्यांचा मान राखून बोलते. मी ज्या कुटुंबात वाढलीये त्यानुसार मला वाटतं की विनाकारण कुणाच्या तरी विचारात आपला विचार घुसवणं हे चूक आहे. मला ज्यांच्यापर्यंत माझे विचार पोहोचवायचे असतात त्यांच्यापर्यंत ते मी पोहोचवते. मला नाही वाटत की मी घरात कुणासोबत बोलत नाहीये. फक्त भांडण केलं किंवा जोराने ओरडून बोललं म्हणजे आपलं मत मांडलं असं होत नाही. मी जरी महिला असले तरी माझी वेगळी मतं आहेत आणि मी माझ्या मतांवर ठाम आहे.'
from Marathi Bollywood News, Marathi Cinema News https://ift.tt/39Ff1le
