मुंबई: बॉलिवूडचा अभिनेता चंकी पांडे याचा आज वाढदिवस. चंकी पांडे आपल्या भूमिकेवर खूप परिश्रम घेणारा कलाकार म्हणून ओळखला जातो. मात्र त्याला आपल्या कारकिर्दीत मुख्य अभिनेता म्हणून फारशी चांगली ओळख निर्माण करता आली नाही. मात्र चंकी हा असा अभिनेता आहे, ज्याने मोठमोठ्या स्टार कलाकारांसोबत सहअभिनेता म्हणून स्वतःची ओळख निर्माण केली. हिंदी चित्रपट सृष्टीतील अभिनेता चंकी पांडे आज आपला वाढदिवस साजरा करत आहे. चंकी पांडे एक असा अभिनेता आहे, ज्याने मोठमोठ्या दिग्गज स्टार अभिनेत्यांसोबत साइड हीरो म्हणून स्वतःची वेगळी ओळख निर्माण केली. तो बॉलिवूडमध्ये जरी अपयशी ठरला असला, तरी तो बांगलादेशातील चित्रपटांचा एक प्रसिद्ध दिग्गज स्टार कलाकार आहे. चंकीला तिथल्या चित्रपट सृष्टीतील अमिताभ बच्चन असेही म्हटले जाते. चंकी पांडेला सहअभिनेता म्हणूनच मिळाली ओळखचंकी पांडेचा जन्म स्वप्ननगरी असलेल्या मुंबईत झाला. त्याचे खरे नाव सुयश पांडे आहे. चित्रपटांमध्ये काम करण्यापूर्वी चंकी पांडे एका ऍक्टिंग स्कूलमध्ये इन्स्ट्रक्टर म्हणून काम करायचा. याच अभिनय विद्यालयातून अभिनयाचे धडे गिरवणारा अभिनेता अक्षय कुमार हा चंकी पांडेचा ज्युनियर होता. चंकी पांडेने वर्ष १९८७ मध्ये आलेल्या आग या चित्रपटातून बॉलिवूडमध्ये पदार्पण केले होते. या चित्रपटात त्याच्यासोबत अभिनेत्री निलम कोठारी हिने काम केले होते. या चित्रपटानंतर त्याने सलग अनेक मल्टी स्टारर चित्रपटांमध्ये काम केले. 1988 मध्ये चंकीच्या तेजाब चित्रपटातील सहकलाकाराच्या भूमिकेला प्रेक्षकांकडून चांगली पसंती मिळाली. त्यानंतर चंकी पांडेला सहअभिनेत्याच्या भूमिकेसाठी सर्वाधिक ऑफर मिळू लागल्या. बांगलादेशी चित्रपटांचे 'अमिताभ बच्चन'! बॉलिवूडमध्ये मिळणाऱ्या सहकलाकाराच्या भूमिकांमुळे नाराज झालेल्या चंकी पांडेने बांगलादेशी चित्रपटांकडे वळण्याचा निर्णय घेतला. या ठिकाणी आल्यानंतर त्याचे नशीब चमकले. चंकी पांडेचे 'स्वामी केनो आसामी', 'बेश कोरेची प्रेम कोरेची' व 'मेयेरा अ मानुष' सारखे चित्रपट सुपर हीट ठरले. आणि आज तो येथील चित्रपट सृष्टीचा अमिताभ बच्चन बनला आहे. त्यानंतर चंकी पांडेने पुन्हा एकदा बॉलिवूडकडे वळण्याचा निर्णय घेतला. चंकी पांडे वर्ष २००३ मध्ये आलेल्या कयामत या चित्रपटात दिसून आला. या चित्रपटात त्याने नकारात्मक भूमिका साकारली होती. त्यानंतर तो पेइंग गेस्ट व हाऊस फुलसारख्या चित्रपटांमध्ये देखील दिसला. चंकी पांडे मुंबईत त्याची पत्नी भावना पांडेसोबत एक रेस्टॉरंट चालवतो. तर दुसरीकडे त्याची मुलगी अनन्या पांडे हिने नुकतेच बॉलिवूडमध्ये पदार्पण केले आहे.
from Marathi Bollywood News, Marathi Cinema News https://ift.tt/3i8yuiy
