मुंबई- छोट्या पडद्यावरील लोकप्रिय कार्यक्रम '' प्रेक्षकांमध्ये प्रचंड लोकप्रिय झाला आहे. बिग बॉस मराठीने पुन्हा एकदा प्रेक्षकांचं लक्ष वेधून घेतलं आहे. घरातील सदस्य आणि त्यांच्यामध्ये होणारे वाद यांमुळे हे कलाकार १०० दिवस एकत्र कसे राहणार हे पाहण्यासाठी प्रेक्षक उत्सुक झाले आहेत. परंतु, गायक याच्यावर नेटकरी भलतेच नाराज झाले आहेत. मीरासोबत बोलताना घरातील सदस्य किर्तनकार हिच्याबद्दल उत्कर्षने वापरलेले शब्द ऐकून नेटकऱ्यांचा पारा चढला. नुकताच कार्यक्रमात मीरा आणि उत्कर्ष यांच्यात कॅप्टन पदासाठी घेण्यात आलेला टास्क दाखवण्यात आला. उत्कर्ष या कार्यात विजयी झाला, त्यानंतर पुढील खेळाची आखणी करण्यासाठी उत्कर्ष आणि मीरा बोलत होते. तेव्हा दोघेही घरातील कोणत्या सदस्याला आपल्या बाजूने वळवून घेता येईल याचा विचार करत होते. सुरुवातीला स्नेहा आणि सोनाली या काहीच खेळत नसल्याचं वक्तव्य मीराने केलं. त्यानंतर उत्कर्षने शिवलीलाला आपल्या बाजूने वळवून घेऊ शकतो असं म्हटलं, उत्कर्ष म्हणाला, 'शिवलीला अगदी साधी आहे. तिला काही कळत नाही. तिला माऊली म्हटलं की ती स्वतःला देव समजते. तिला वाटतं आपण देवी आहोत. विशालदेखील तेच करतोय.' उत्कर्षच्या या वक्तव्याचे नेटकऱ्यांमध्ये त्रीव्र पडसाद उमटले आहेत. नेटकरी उत्कर्षच्या या वक्तव्याचा विरोध करत आहेत. उत्कर्षने शिवलीलाबद्दल केलेलं ते वक्तव्य तुम्हाला खटकलं नाही का? असा सवाल एका नेटकऱ्याने केला आहे. तर आणखी एका नेटकऱ्याने उत्तर देत लिहिलं, 'उत्कर्ष असा कसा बोलू शकतो. याला बोलण्याची मुळीच पद्धत नाहीये. देवी समजते म्हणजे? यालाचं सगळं कळतं का?' तर आणखी एकाने लिहिलं, 'ही काय पद्धत आहे बोलण्याची. हे आम्हाला मुळीच आवडलेलं नाही. शिंदेशाहीचं नाव खराब करतोय हा.'
from Marathi Bollywood News, Marathi Cinema News https://ift.tt/2WhaL8s
