मुंबई : बॉलिवूडची अभिनेत्री करिश्मा कपूर आणि तिचे वडील द कपिल शर्मा शो कार्यक्रमाच्या आगामी भागात सहभागी झाले आहेत. या कार्यक्रमाचा एक प्रोमो रिलीज झाला आहे. या प्रोमोमध्ये कपिल रणधीर यांना काही प्रश्न विचारताना दिसत आहे. या प्रश्नांची रणधीर यांनी अतिशय मजेशीर उत्तरे दिली आहेत. या प्रोमोमध्ये रणधीर यांना कपिल विचारतो की, ''कल आज और कल' या सिनेमात तुम्ही आणि बबिताजी यांच्यावर 'आप यहां आए किसलिए, आपने बुलाया इसलिए...' हे गाणे चित्रीत झाले आहे. या गाण्यात लग्न करण्याबाबत काही ओळी आहेत. यात जी मागणी होती ती कथेची मागणी होती की तुमच्या मनातून आलेली होती.' त्यावर रणधीर यांनी उत्तर दिले की, 'माझी मागणी आधीच होती. त्यामुळेच मी केली.' थोडक्यात रणधीर यांना सांगायचे होती की, बबिता यांच्याशी त्यांना लग्न करायचे होते आणि ही मागणी त्या गाण्यातून करण्यात आली. यानंतर कपिल याने रणधीर कपूर यांना विचारले की तुमचे दिवंगत वडील राज कपूर जेव्हा रोमँटिक सीन चित्रीत करायचे तेव्हा जर तुम्ही सेटवर असायचे तेव्हा ते काय करायचे. तुम्हाला सेटवरून बाहेर पाठवून द्यायचे का? त्यावर रणधीर यांनी सांगितले की, ' हा सर्व अभिनय असतो... आता हेच बघा ना मी १५०० रोमँटिक सीन केले आहेत. काहीजणींसोबत मी खरेखुरे करू इच्छित होतो तर काहीजणींसोबत मी कधीही असे सीन करू इच्छित नव्हतो. रणधीर यांनी दिलेले हे उत्तर ऐकून करिश्मा लाजून लाल होते. तर कपील हे उत्तर ऐकून हसू लागतो. दरम्यान, याआधी करिश्माचा या कार्यक्रमातील कलाकार कीकू शारदासोबतचा एक व्हिडिओ सोशल मीडियावर शेअर करण्यात आला आहे. या व्हिडिओमध्ये करिश्मा कीकूसोबत डान्स करताना दिसत आहे.
from Marathi Bollywood News, Marathi Cinema News https://ift.tt/3m9zEff
