मुंबई : छोट्या पडद्यावरील लोकप्रिय अभिनेता सिद्धार्थ शुक्लाचे गुरुवारी, २ सप्टेंबर २०२१ रोजी सकाळी निधन झाले. ४० वर्षांच्या अभिनेत्याच्या मृत्यूची बातमी झपाट्याने पसरली आणि सर्वजण हळहळले. अनेक कलाकारांना आणि चाहत्यांना त्यांच्या लाडक्या अभिनेत्याचे असे अचानक निघून जाण्याने मोठा धक्का बसला आहे. मनोरंजन विश्वावर तर शोककळा पसरली आहे. काही दिवसांपूर्वीच डान्स दिवाने ३ आणि बिग बॉस ओटीटी या दोन कार्यक्रमांत सहभागी झाला होता. तेव्हा कुणाला असे वाटले देखील नव्हते की हा सिद्धार्थचा शेवटचा परफॉर्मन्स असेल. सिद्धार्थच्या निधनानंतर सोशल मीडियावर त्याचे जुने फोटो आणि व्हिडिओ व्हायरल झाला आहेत. ते शेअर करून सिद्धार्थचे चाहते त्याला आदरांजली वाहत आहेत. या व्हिडिओमध्ये सिद्धार्थचा शेवटचा व्हिडिओ देखील आहे. या व्हिडिओमध्ये सिद्धार्थ मुंबई विमानतळावर आई आणि कुटुंबातील इतर सदस्यांसोबत दिसत आहे...हा त्याच्या आयुष्यातील शेवटचा व्हिडिओ असेल अशी कल्पनाही कुणी केली नव्हती. सिद्धार्थचे आईशी नाते होते गहिरे सिद्धार्थ शुक्ला त्याच्या आईच्या खूप जवळ होता. आईला काहीही त्रास होऊ नये, याची काळजी कायमच सिद्धार्थ घ्यायाचा. सिद्धार्थच्या आयुष्यात आई त्याचे सर्वस्व होती. त्याच्या आयुष्यामध्ये आईचे स्थान अनन्यसाधारण असे होते. मात्र, याच आईला सिद्धार्थ एकटा सोडून कायमचा निघून गेला आहे. त्याच्या अशाच अचानक जाण्याने त्याच्या आईला मोठा धक्का बसला आहे. लहानपणीच्या अनेक आठवणी सिद्धार्थने आपल्या वेगवेगळ्या मुलाखतींमध्ये सांगितल्या आहेत. त्याने एका मुलाखतीमध्ये सांगितले होते की, 'मी वरून अतिशय कठोर दिसत असलो तरी आई हा माझा मोठा वीक पॉईंट आहे. जेव्हा माझा जन्म झाला तेव्हापासून तिने माझ्यासाठी जे केले आहे ते माझ्यासाठी अमूल्य आहे. ती माझ्या आयुष्यातील सर्वात महत्त्वाची व्यक्ती आहे. आम्हा तिघा भावंडांमध्ये मी लहान असल्याने मी तिच्यासोबतच कायम असायचो. बहिणींशी खेळण्याऐवजी मी आईजवळच घुटमळत रहायचो.अनेकदा ती पोळ्या करायची तेव्हा देखील मी तिच्या मांडीवर झोपलेले असायचो आणि ती मला एका हाताने थोपटायची.. वडिलांच्या निधनानंतर आईचे आणि माझे नाते अधिकच घट्ट झाले.' लहानपणी सिद्धार्थ होता मस्तीखोर सिद्धार्थने या मुलाखतीमध्ये पुढे सांगितले की, 'लहान असताना मी खूप मस्तीखोर होतो. जसा जसा मी मोठा होत गेलो तसा माझा मस्तीखोरपणा कमी झाला आणि आई माझी सगळ्यात छान मैत्रिण झाली. मी खेळून घरी परत यायचे तेव्हा सगळ्या गोष्टी आईला सांगायचो. माझे इतर मित्र त्यांच्या आईवडिलांना काही गोष्टी सांगायचे नाही. पण मी मात्र सगळे तिला सांगायचो...'
from Marathi Bollywood News, Marathi Cinema News https://ift.tt/3td4Xc5