मुंबई- '' सोशल मीडियावर प्रचंड चर्चेत आहे. कार्यक्रमाच्या पहिल्याच दिवसापासून घरातील सदस्यांमध्ये भांडणं पाहायला मिळाली. गेल्या काही भागातही घरातीलसदस्य एकमेकांसोबत वाद घालताना दिसून आले. परंतु, टास्कदरम्यान याने केलेलं कृत्य पाहून घरातील इतर सदस्यांनी देखील त्याला चांगलीच समज दिली आहे. नकाशा पूर्ण करण्यासाठी नुकताच बिग बॉसने घरातील सदस्यांना एक टास्क दिलं. या टास्कदरम्यान करण कुंद्रा याला नकाशाचा एक तुकडा मिळतो. त्यानंतर करण, शमिता शेट्टी, प्रतीक आणि निशांत भट्ट यांच्यात फूट पाडतो. त्यामुळे शमिता नकाशाचा दुसरा तुकडादेखील करणला देते. हे समजताच प्रतीक, शमिता आणि निशांतमध्ये भांडण होतं आणि प्रतीक घरातील बाथरूमचा दरवाजा तोडण्याचा प्रयत्न करतो. मात्र करण त्याला तसं करण्यापासून अडवतो. त्यावेळेस प्रतीक शांत होतो मात्र थोड्या वेळाने तो दरवाज्याच्या लॉकचा एक स्क्रू काढून टाकतो. त्यानंतर दाखवण्यात आलेल्या प्रोमोमध्ये गार्डनमधील बाथरूममध्ये अंघोळ करत असते आणि प्रतीक जाऊन त्या दरवाज्याची कडी तोडून टाकतो. बाथरूममधून बाहेर आल्यानंतर विधी या गोष्टीची तक्रार इतर सदस्यांकडे करते. त्यावर सगळे प्रतीकला समज देतात. त्यानंतर तेजस्वी प्रकाश प्रतीकला म्हणते की, भलेही त्याच्या मनात काहीही वाईट नव्हतं पण त्याचं हे वागणं चुकीचं होतं. एक मुलगी म्हणून हे खूप भयानक आहे. घरातल्यांच्या समजावण्यावर प्रतीक म्हणतो की, त्याला बाथरूममध्ये कोणीही असल्याचा फरक पडत नाही. त्यावर करण प्रतिकवर पुन्हा रागावतो आणि तो मुलींसोबत असं वागू शकत नसल्याचं सांगतो.
from Marathi Bollywood News, Marathi Cinema News https://ift.tt/3AluPnR
