मुंबई : बॉलिवूडमध्ये सुपरहीट चित्रपटाची हमी मानला जाणारा स्टार अभिनेता आयुष्मान खुरानाच्या आणखी एका चित्रपटाची घोषणा झाली आहे. आयुष्मान खुरानाचा हा चित्रपट रॉमॅन्टिक नव्हे तर पूर्णपणे ऍक्शन चित्रपट असणार आहे. या चित्रपटाचा टीझर सोशल मीडियावर नुकताच प्रदर्शित करण्यात आला आहे. आयुष्मानच्या या आगामी चित्रपटाचे नाव 'ऍक्शन हिरो' असून त्यामध्ये अभिनेता मुख्य भूमिकेत दिसणार आहे. आयुष्मानच्या या चित्रपटाचा टीझर पूर्णपणे अॅनिमेटेड आहे, ज्यात बॅकग्राऊंड म्यूझिकसोबतच आयुष्मानचा आवाज ऐकू येत आहे. हा टीझर पाहिल्यावर असे वाटते की, हा चित्रपट पूर्णपणे बॉलिवूडचा मसालेदार अॅक्शन चित्रपट असेल. आयुष्मान पहिल्यांदाच अॅक्शन चित्रपटात दिसणार आहे. पाहा चित्रपटाचा टीझर. आयुष्मानचा 'ऍक्शन हिरो' चित्रपट वर्ष२०२२ मध्ये प्रदर्शित होणार आहे. चित्रपटाची शुटींग भारतासह इंग्लंडमध्येही करण्यात येणार आहे. या चित्रपटातील प्रमुख अभिनेत्री आणि अन्य कलाकारांची नावे अद्याप जाहीर करण्यात आलेली नाही. आनंद एल रॉय व भूषण कुमार या चित्रपटाची निर्मिती करत आहेत आणि दिग्दर्शन अनिरुद्ध अय्यर करत आहे. कामाविषयी बोलायचे झाले तर 'विकी डोनर'पासून आपल्या कारकिर्दीची सुरूवात करणारा आयुष्मान अमिताभ बच्चन यांच्यासोबत 'गुलाबो सिताबो'चित्रपटात दिसला होता. आता त्याचे 3 चित्रपट प्रदर्शनाच्या वाटेवर आहेत, ज्यात 'चंदिगड करे आशिकी', 'अनेक' व 'डॉक्टर जी' या चित्रपटांचा समावेश आहे.
from Marathi Bollywood News, Marathi Cinema News https://ift.tt/3BsGzGM
