मुंबई : बॉलिवूडचा बादशाह शाहरुख खान आणि त्याचे कुटुंब सध्या त्याचा मुलगा आर्यन खानच्या अमली पदार्थ प्रकरणी चर्चेत आहे. मुंबईनजीक कार्डेलिया क्रूझवरील रेव्ह पार्टीतून एनसीबीच्या अधिकाऱ्यांनी आर्यन खानसह अन्य सात जणांना ताब्यात घेतले होते. आर्यन खान सध्या न्यायालयीन कोठडीत आहे आणि याचदरम्यान शाहरुख खानची मुलगी सुहाना खानसारखीच दिसणाऱ्या अन्य मुलीचा व्हिडिओ सोशल मीडियावर व्हायरल झाला आहे. सुहाना सोशल मीडियावर सक्रियशाहरुख खानची मुलगी सध्या न्यूयॉर्कमध्ये आहे. सुहाना सोशल मीडियावर सर्वाधिक सक्रिय असणाऱ्या स्टार किड्सपैकी एक आहे. जिची फॅन फॉलोईंगदेखील सर्वाधिक आहे. आपण आतापर्यंत अनेक बॉलिवूड कलाकारांप्रमाणे हुबेहुब दिसणाऱ्या व्यक्तींचे फोटो आणि व्हिडिओ पाहिले आहेत, आता आर्यन खानची बहिण सुहानासारख्याच हुबेहुब दिसणाऱ्या मुलीचे फोटो व व्हिडिओंची चर्चा सुरू झाली आहे. सोशल मीडियावर ईशा जैन नावाच्या मुलीचे व्हिडिओ पाहून चाहत्यांकडून आश्चर्य व्यक्त करण्यात येत आहे आणि तिची तुलना सुहाना खानशी करत असल्याचे दिसून येत आहे. युझर्स ईशा जैनच्या व्हिडिओच्या पोस्टवर, ती हुबेहुब सुहानासारखी दिसत असल्याची प्रतिक्रिया देत आहेत. सुहाना खानने आर्यन खानच्या अमली पदार्थ प्रकरणानंतर नुकतीच एक पोस्ट केली होती, ज्यात शाहरुख खान आणि गाैरी खानचा फोटो आहे. हा फोटो सुहानाने गाैरी खानच्या वाढदिवशी शेअर करत त्याखाली हॅपी बर्थडे लिहिले होते. आर्यन खान अमली पदार्थ प्रकरणाचा तपास सध्या सुरू आहे. आर्यन खानला नुकतीच एनसीबीच्या कोठडीतून न्यायालयीन कोठडीत पाठवण्यात आले आहे. सध्या आर्यन खान मुंबईतील सर्वात जुन्या आर्थर रोड कारागृहात ठेवण्यात आले आहे.
from Marathi Bollywood News, Marathi Cinema News https://ift.tt/2YCh33i
