मुंबई- बॉलिवूड अभिनेता शाहरुख खान याचा मुलगा आर्यन खान याला अमली पदार्थांचं सेवन केल्याप्रकरणी अटक केल्यानंतर एनसीबीचे मुख्य अधिकारी यांच्यासह त्यांच्या कुटुंबावर निरनिराळे आरोप करण्यात येत आहेत. त्यांच्या कुटुंबाला जीवे मारण्याच्या धमक्या मिळत आहेत. मराठमोळी अभिनेत्री आणि समीर यांची पत्नी या परिस्थितीला धीराने सामोरी जात आहे. अशात आता मराठी चित्रपटसृष्टीमधील काही कलाकार क्रांतीच्या समर्थनासाठी पुढे सरसावले आहेत. 'बिग बॉस मराठी १' ची विजेती अभिनेत्री हिने एक व्हिडीओ पोस्ट करत क्रांतीला जाहीरपणे पाठिंबा दिला आहे. मेघाने इन्स्टाग्रामवर एक व्हिडीओ पोस्ट करत तिचं मत मांडलं आहे. मेघा म्हणाली, 'आपल्याला नक्की कसा समाज हवा आहे? एक व्यक्ती जो सत्यासाठी उभा आहे. तो व्यक्ती समाजातील वाईट प्रवृत्तींना संपवण्याचा प्रयत्न करतोय, पण वाईट प्रवृत्ती असलेले काही समाजकंटक त्याच्या मागे लागले आहेत. त्याचा मानसिक छळ करत आहेत. त्याच्या कर्तव्यदक्षतेवर, चारित्र्यावर शिंतोडे उडवत आहेत. त्याच्या कुटूंबियांना त्रास देतात. अशा समाजात आपण स्वत:ही सुरक्षित नाही. जे न्यायाची, आपली सुरक्षा करतायत, त्यांच्याच वाट्याला एवढी विटंबना येत असेल तर या समाजात एका सामान्य माणसाचं जगणं कसं असेल? एनसीबीचे झोनल डायरेक्टर समीर वानखेडे यांची एक कर्तव्यदक्ष अधिकारी म्हणून ख्याती आहे. त्यांच्यावर शिंतोडे उडवण्याचा प्रयत्न खूप संताप आणणारा आहे.' मेघा पुढे म्हणाली, 'समीर यांच्या कुटुंबियांना वेठीस धरलं जातंय. मी आता त्यांच्या वडिलांचा व्हिडीओ पाहिला. त्यात ते त्यांची जात, धर्म यांचं प्रमाणपत्र दाखवत होते. मला या गोष्टींचा फार संताप येतोय. तुम्ही इथे चोराला सोडून संन्याशाला फाशी देत आहात. जे समाजकंटक हे सगळं करतायत ते कोण आहेत, ते हे का करतायत, हे न समजण्याइतके आपण मूर्ख नाही. जे लोक या सगळ्या गोष्टींमध्ये आहेत, ते मुद्दाम त्यांना अडकवण्याचा प्रयत्न करत आहेत. त्यांची जात, धर्म, त्यांचं कितवं लग्न झालंय, कुणासोबत झालंय, दिवंगत आईचा धर्म या सगळ्या गोष्टी उकरून काढून वानखेडेंना मुद्दाम त्रास दिला जातोय. मला सांगा एवढा मोठा अधिकारी फक्त ८ कोटींच्या खंडणीसाठी असं करेल का? खंडणी हा शब्द त्यांच्याशी जोडलं जाणंच चुकीचं आहे. अशा ऑफिसरवर असे आरोप करण्यात येत असतील तर आपल्यासारख्या लोकांचं काय?' मेघाने या व्हिडिओद्वारे क्रांतीची बाजू मांडत आरोप करणाऱ्यांवर ताशेरे ओढले आहेत.
from Marathi Bollywood News, Marathi Cinema News https://ift.tt/3GucZn7
