मुंबई : बॉलिवूडमधील प्रसिद्ध अभिनेते हे त्यांच्या स्पष्टवक्तेपणासाठी प्रसिद्ध आहे. दैनंदिन घडामोडींवर ते त्यांची परखड मते व्यक्त करत असतात. आता देखील शत्रुघ्न सिन्हा यांनी पेट्रोलच्या किंमती वाढत असल्याबद्दल नाराजी व्यक्त केली आहे. शत्रुघ्न यांनी आपली नाराजी व्यक्त करत असताना पेट्रोलची तुलना चक्क बिअरशी केली आहे. त्यामुळे सोशल मीडियावर सिन्हा यांच्यावर टीका होत आहे. शत्रुघ्न सिन्हा यांनी ट्विट करून त्यांचे मत मांडले आहे. सिन्हा यांनी ट्विटरवर एक पोस्टर शेअर केले आहे, या पोस्टवर बीअरच्या बाटलीचा फोटो आहे. त्यावर लिहिले आहे की, 'दशकानंतर बीअर आता पेट्रोलपेक्षा स्वस्त झाली आहे. आता नवीन घोषणा फक्त प्या आणि गाडी चालवू नका...' सिन्हा यांनी हे ट्विट सोशल मीडियावर खूपच व्हायरल झाले आहे. सिन्हा यांच्या या ट्विटवर युझर्सने भरभरून कॉमेन्ट करत त्यांच्यावर टीका केली आहे. एका युझरने लिहिले आहे, ' चरस, अफीम यापेक्षाही स्वस्त आहे. त्यामुळे बॉलिवूडमधील कलाकार ते घेतात.' आणखी एका युझरने लिहिले आहे की, 'सर, बिअर पिऊन गाडी चालवण्याची गरज नाही. आपल्याला ११ नंबरची बसच पुरेशी आहे.' दरम्यान,पेट्रोल आणि डिझेलच्या किंमतीमध्ये सातत्याने वाढ होत आहे. त्यावरून विरोधी पक्ष केंद्र सरकारला लक्ष्य करत आहे. आता शत्रुघ्न सिन्हा यांनी देखील ती टीका केली आहे. सिन्हा यांनी अप्रत्यक्षपणे आपला मुद्दा सगळ्यांसमोर मांडला आहे.
from Marathi Bollywood News, Marathi Cinema News https://ift.tt/3vN0k9H
