मुंबई- 'द फॅमिली मॅन २' मधून प्रेक्षकांच्या भेटीस आलेली दाक्षिणात्य अभिनेत्री आणि अभिनेता यांनी घटस्फोटाचा निर्णय घेत चाहत्यांनामोठा धक्का दिला. आपल्या आवडत्या जोडीच्या वेगळं होण्यामागील कारण जाणून घेण्यासाठी चाहते उत्सुक होते. त्यात त्यांच्या घटस्फोटासाठी अनेक कारणं चर्चेत होती. त्यातील या म्हणजे सामंथाने केलेला गर्भपात. मूल नको असल्याने सामंथाने गर्भपात केल्याचं म्हटलं जात होतं. परंतु,हे कारण खोटं असल्याचं समोर आलं आहे. सामंथाची मैत्रीण आणि निर्माता निलीमा गुना हिने सामंथावरील गर्भपाताचे आरोप खोटे असल्याचं म्हटलं आहे. एका वृत्तपत्राला दिलेल्या मुलाखतीत निलीमा यांनी सामंथाबद्दल बोलताना म्हटलं की ती पुढील काही महिन्यात बाळाचा विचार करत होती. निलीमा म्हणाल्या की, त्यांचे वडील दिग्दर्शक गुणशेखर गारु यांनी सामंथाला गेल्या वर्षी 'शाकुंतलम' चित्रपटासाठी संपर्क केला तेव्हा सामंथाला चित्रपटाची कथा आवडली होती. ती हा चित्रपट करण्यासाठी उत्साहात होती. परंतु, त्यासोबतच सामंथाने सांगितलं की, या चित्रपटाचं चित्रीकरण त्यांना जुलै आणि ऑगस्टपर्यंत पूर्ण करावं लागणार आहे कारण आता ते दोघे फॅमिली प्लॅनिंग करत आहेत. निलीमा म्हणाल्या, 'आमच्या टीमतर्फे सामंथाला सांगितलं गेलं होतं की प्री- प्रोडक्शन आणि व्यवस्थित प्लॅनिंग केल्यामुळे चित्रपट ठरल्या वेळेत पूर्ण करू शकतो. त्यामुळे काहीही चिंता करण्याचं कारण नाही. निर्मात्यांची ही हमी ऐकून सामंथा खुश झाली होती.' म्हटलं जातं की सामंथाने म्हटलं होतं की हा तिचा शेवटचा चित्रपट असणार आहे. ती काही काळ मोठ्या पडद्यापासून दूर जाणार होती आणि तिच्या मुलाला जन्म देऊ इच्छित होती.
from Marathi Bollywood News, Marathi Cinema News https://ift.tt/3BqO9kZ
