मुंबई- बॉलिवूडचा सुपरस्टार अभिनेता याचा मुलगा याला एनसीबीने अटक केली. मुंबईहून गोव्याला जाणाऱ्या आलिशान क्रूजवर आर्यनने त्याच्या मित्रांसोबत अमली पदार्थांचं सेवन केल्याचा आरोप आर्यनवर करण्यात आला आहे. सध्या आर्यनला आर्थर रोडवरील कारागृहात ठेवण्यात आलं आहे. त्याच्यासोबत असलेल्या इतर सात आरोपींची रवानगी देखील याच कारागृहात करण्यात आली आहे. आर्यनचे वकील सतीश मानेशिंदे त्याला जामीन मिळावा यासाठी प्रयत्न करत आहेत. परंतु, दुसरीकडे आपल्या मुलाच्या काळजीने शाहरुख मात्र आतल्या आत जळत आहे. मुलाला अटक झाल्याचं कळताच शाहरुख 'पठाण' चित्रपटाचं चित्रीकरण सोडून भारतात परतला होता. शनिवारी अटक झालेल्या आर्यनला सोमवारी जामीन मिळेल असं समजून शाहरुखने सोमवारी कामावर परतायचं ठरवलं होतं. परंतु, अटक होऊन १० दिवस लोटूनही आर्यनला जामीन मंजूर होत नाहीये. त्यामुळे शाहरुखच्या चिंतेत वाढ झाली आहे. शाहरुख सतत आर्यनच्या काळजीत गुंतलेला असतो. आर्यनच्या काळजीमुळे त्याने अन्नपाणीही सोडलं आहे. शाहरुखची अवस्था अत्यंत वाईट झाली आहे. शाहरुखला रात्री झोपही लागत नाहीये. शाहरुखच्या एका जवळच्या मित्राच्या माहितीनुसार, शाहरुख वरवर सगळ्यांना ठीक असल्याचं दाखवत असला तरीही तो आतून तुटला आहे. त्याला आपल्या मुलाची खूप काळजी वाटत आहे. यापूर्वी आर्यन एनसीबी चौकशीदरम्यान प्रचंड रडू लागला होता. तेव्हा आर्यनला शाहरुखसोबत दोन मिनिटं फोनवर बोलण्याची मुभा दिली होती. त्यावेळेसही वडिलांसोबत बोलताना आर्यन रडला होता. एनसीबी चौकशीत आर्यनने तो चार वर्षांपासून ड्रग्स घेत असल्याचं कबूल केलं होतं. आर्यनच्या फोनमध्येही एनसीबीला त्याच्याविरुद्ध पुरावे सापडले आहेत.
from Marathi Bollywood News, Marathi Cinema News https://ift.tt/30cjFW9
