मुंबई- ड्रग प्रकरणाचा पर्दाफाश करणारे एनसीबीचे झोनल अधिकारी यांची पत्नी असलेली लोकप्रिय अभिनेत्री हिने नुकत्याच दिलेल्या मुलाखतीत आपल्या नवऱ्याचा अभिमान वाटत असल्याचं म्हटलं. टाइम्स ऑफ इंडियाला दिलेल्या एका मुलाखतीत क्रांती म्हणाली, 'समीर खूप मेहनती आहेत. यापूर्वीही त्यांनी अशी मोठी कामगिरी केली आहे. परंतु, आता हे प्रकरण बॉलिवूडशी संबंधित आहे त्यामुळे समीर लाइमलाइट येत आहेत. मला समीरचा खूप अभिमान आहे.' २४ तास कामात गुंतलेले असतात समीर वानखेडे क्रांती म्हणाली, 'जेव्हाही समीर एखाद्या रॅकेटचा पर्दाफाश करणार असतात तेव्हा २४ तास ते स्वतःला कामात झोकून देतात. तेव्हा मी त्यांना त्यांची स्पेस देते. मी त्यांना मुळीच विचारत नाही की काय करताय, कशा संबंधी आहे, हे सगळं कसं झालं, कारण मला त्यांच्या कामाचं स्वरूप आणि गोपनीयता माहीत आहे. मी घरी प्रत्येक गोष्टीची काळजी घेते. कधी कधी तर ते इतके व्यग्र होतात की २४ तास काम करतात. मोजून २ तास झोपून पुन्हा कामाला लागतात. ते जेव्हा कुठल्या केसबद्दल फोनवर बोलतात तेव्हा मी अजिबात मध्ये बोलत नाही. असे अनेक गुप्त ऑपरेशन ते करत असतात.' मुलांसाठी देता येत नाही वेळ क्रांती पुढेच म्हणाली, 'ते अशा क्षेत्रात काम करतात जिथे एका मिनिटही ते रिकामे बसू शकत नाहीत. घरी आल्यावरही त्यांचा फोन सुरू असतो. त्यांच्या टीमसोबत बोलत असतात. मी कधीच नाही विचारत काय झालं, कसं झालं? मी त्यांच्या कामाचा आदर करते. आम्हाला दोन जुळी मुलं आहेत पण समीरना मुलांसोबत वेळ घालवायला मिळत नाही. मुलांना त्यांची आठवण येते पण मी त्यांना समजावते. मी मुलांकडे लक्ष देत असल्यामुळे समीरदेखील बिनघोर काम करू शकतात. तसे तर समीर बुजऱ्या स्वभावाचे आहेत. आता कुठे ते मीडियासमोर मुलाखत द्यायला लागलेत. मी त्यांना म्हणते तुम्ही कॅमेरात बघून हसा पण त्यांना ते फारसं जमत नाही.'
from Marathi Bollywood News, Marathi Cinema News https://ift.tt/3A9lDTt
