मुंबई- मराठी मनोरंजन क्षेत्रातील लोकप्रिय जोडी आणि यांची गोष्टचं काही और आहे. चाहत्यांना कपल गोल्स देणाऱ्या या जोडीच्या लग्नाला आज ६ ऑक्टोबर रोजी दहा वर्ष पूर्ण झाली आहेत. आज त्यांच्या लग्नाचा दहावा वाढदिवस आहे. उमेश आणि प्रिया चाहत्यांच्या आवडत्या जोड्यांपैकी एक आहे. एकाच क्षेत्रातील असूनही एकमेकासोबत स्पर्धा न करणारे उमेश आणि प्रिया यांनी चाहत्यांसमोर एक आदर्श ठेवला आहे. लग्नाला दहा वर्ष पूर्ण झाल्याच्या निमित्ताने प्रियाने त्यांच्या लग्नातील एक व्हिडिओ शेअर केला आहे. त्यात उमेश आणि प्रिया एकमेकांसाठी उखाणे घेताना दिसतायत. प्रियाने शेअर केलेल्या या व्हिडिओत उमेश आणि प्रिया दोघेही प्रचंड सुंदर दिसत आहेत. व्हिडिओत त्यांच्या लग्नाच्या सगळ्या विधी पार पडल्यानंतर त्यांना उखाणे घेण्याची गळ घातली जाते. त्यावर एक अप्रतिम उखाणा घेत उमेश सगळ्यांना आश्चर्याचा धक्का देतो. उमेश म्हणतो, 'कांती तिची सुरेल रूप तिचं अलवार, प्रिया माझी रत्नजडीत तलवार.' उमेशचा उखाणा ऐकून सगळेच त्याचं कौतुक करतात. उखाणा ऐकून प्रियादेखील हसू लागते. त्यानंतर प्रियादेखील उमेशसाठी उखाणा घेतेय. प्रिया म्हणते, 'सारेगमपच्या सुरांना ल्यायला नवा साज, उमेश माझा जुनाच गाडी पण नवं माझं राज्य.' उमेश आणि प्रियाच्या या व्हिडिओवर चाहत्यांनी लाइक आणि शुभेच्छांचा वर्षाव केला आहे. जितेंद्र जोशी, प्रसाद ओक, सुव्रत जोशी यांसारख्या अनेक कलाकारांनी देखील त्यांच्या व्हिडिओचं कौतुक करत प्रिया आणि उमेशला लग्नाच्या वाढदिवसाच्या शुभेच्छा दिल्या आहेत. या व्हिडिओला अवघ्या चार तासात तीन लाखांहून अधिक लाइक मिळाल्या आहेत. चाहतेदेखील उमेश आणि प्रियाची जोडी आयुष्यभर अशीच राहो अशी सदिच्छा व्यक्त करत आहेत.
from Marathi Bollywood News, Marathi Cinema News https://ift.tt/3DjbINs
