मुंबई- '' मालिकेने काही दिवसांतच प्रेक्षकांच्या मनात घर केलं. सुंदर कथानक आणि उत्कृष्ट कलाकार असलेली ही मालिका थोड्याच कालावधीत लोकप्रिय ठरली. मालिकेतील छोट्याश्या परीने तर प्रेक्षकांना अक्षरशः भुरळ घातली. मात्र नेहावरील संकटं काही थांबायचं नाव घेत नाहीयेत. नेहाने आतापर्यंत एकटीने सगळ्या परिस्थितीचा सामना केला त्यामुळे प्रत्येक गोष्टीसाठी यशची मदत घेणं देखील तिला योग्य वाटत नाहीये. आता मनावर दगड ठेवून अखेर नेहाने परीला पाळणाघरात ठेवायचा निर्णय घेतलाय. मालिकेत दाखवण्यात आलेल्या कथानकाप्रमाणे, नेहा कामाला गेल्यानंतर परी शेजारच्या बंडू काकांच्या घरी असायची. मात्र नेहाने घराचे हफ्ते भरले नाहीत तर बँक तिच्या घरावर जप्ती आणेल आणि त्या दोघीही रस्त्यावर येतील अशी भीती वकील परांजपे यांनी बंडू काका आणि काकींच्या मनात घातल्याने ते दोघेही नेहा आणि परीसाठी त्यांचं राहतं घर विकायला तयार झाले आहेत. त्यामुळे घर विकून काका काकू त्यांच्या गावच्या घरी जाणार आहेत. त्यानंतर परी कोणाजवळ राहील असा यक्षप्रश्न नेहासमोर उभा राहिल्याने नेहाने नाईलाजाने परीला पाळणाघरात ठेवण्याचा निर्णय घेतला आहे. आता परांजपे वकिलांची खेळी नेहाला कशी कळेल, यश नेहाची मदत कशी करेल, बंडू काका- काकी त्यांचं घर विकून खरच गावाला जातील का, परांजपेंचा नेहाचं घर बळकावण्याचा प्लॅन यशला कळेल का, परी काका- काकूंना सोडून पाळणाघरात राहील का, असे अनेक प्रश्न प्रेक्षकांच्या समोर आहेत. त्यामुळे मालिकेचे पुढील भाग पाहण्यासाठी प्रेक्षक प्रचंड उत्सुक आहेत.
from Marathi Bollywood News, Marathi Cinema News https://ift.tt/2YA4BBo
