मुंबई : बॉलिवूडमधील कलाकारांनी केलेल्या जाहिरातींवरून वाद होण्याच्या प्रकार गेल्या काही दिवसांपासून सातत्याने समोर येत आहेत. मग अमिताभ यांची जाहिरात असो, आलियाची असो वा अन्य कुणा कलाकाराची त्यावरून काही ना काही वाद निर्माण होत आहेत. अलिकडेच आलियाने केलेल्या एका जाहिरातीचा वाद ताजा असतानाच आता आमिर खानच्या जाहिरातीवरून नवीन वाद निर्माण झाला आहे. आमिरने सीएट टायरची जाहिरात केली. या जाहिरातीवरून आता वाद निर्माण होण्याची शक्यता आहे. या जाहिरातीवरून हा हिंदू विरोधी असल्याचा आरोप त्याच्यावर ठेवण्यात आला आहे. काय आहे जाहिरात आमिरने सीएट टायरची जाहिरात केली आहे. या जाहिरातीमध्ये आमिर एका मुलाला सांगतो की, अनार, सुतळी बॉम्ब, भुईचक्र हे सर्व फटाके आपली टीम जिंकली तर नक्की फोडणार आहोत. परंतु ते रस्त्यावर नाही. कारण रस्ते हे फटाके फोडण्यासाठी नाही तर गाड्या चालवण्यासाठी आहेत. त्यामुळे आपल्याला फटाके फोडायचे आहेतच परंतु ते सोसायटीच्या आवारात रस्त्यावर नाही. सीएट टायरची ही जाहिरात प्रसिद्ध झाल्यानंतर सोशल मीडियावर टीका होण्यास सुरुवात झाली आहे. इतकेच नाहीतर या जाहिरातीमध्ये काम केल्यामुळे आमिर खान हा हिंदू विरोधी असल्याचा आरोप त्याच्यावर ठेवण्यात आला आहे. या जाहिरातीमुळे नाराज झालेल्या युझर्सनी आमिरला आणि सीएट टायर्सना ट्रोल करत ते हिंदू विरोधी असल्याचा आरोप केला आहे. इतकेच नाही तर त्यांच्यावर बहिष्कार घालण्याची मागणी केली आहे. एका युझरने लिहिले आहे की, 'बॉलिवूडचे स्पेशल लोक हिंदू सणांचा नेहमी लक्ष्य करतात. तरी देखील हिंदू लोक त्यांचे सिनेमे पाहतात.' आणखी एका युझरने आमिरला प्रश्न केला आहे की, 'रस्ते हे नमाज अदा करण्यासाठी आहे का?' दुसऱ्या एका युझर लिहिले की, 'सीएट टायरवाल्यांनो तुम्हाला लाज वाटली पाहिजे.' इतकेच नाही तर सीएट टायरचे मालक हर्ष गोयंका यांच्यावरही युझर्सने टीका केली आहे. एका युझरने हर्ष गोएंका यांना टॅग करत ट्विट केले आहे आणि 'हिंदूफोबिक' असे म्हटले आहे. तर आणखी एका युझरने लिहिले आहे की, 'मी तर आता सीएट टायर बदलून दुसरे टायर लावणार आहे. इतकेच नाही तर इतर लोकांनाही तसे करण्यास सांगणार आहे.'
from Marathi Bollywood News, Marathi Cinema News https://ift.tt/3D757We