मुंबई- '' मालिकेने फार थोड्या कालावधीत प्रेक्षकांची मनं जिंकली आहेत. मालिकेतील कलाकार आणि कथानक यांनी प्रेक्षकांच्या मनावर घट्ट पकड निर्माण केली आहे. सध्या मालिकेत दाखवण्यात येत असल्याप्रमाणे, अंतरा आणि मल्हार यांचं लग्न झालं आहे. परंतु, मल्हार अंतराला त्याच्या पत्नीचं स्थान देण्यास तयार नाहीये. मनाविरुद्ध लग्न झाल्याने अंतरा आणि मल्हार यांच्यात वारंवार खटके उडताना पाहायला मिळतायत. परंतु, घरच्यांच्या इच्छेखातर अंतरादेखील मल्हारचा रोष सहन करत तिथे राहतेय. परंतु, लवकरच मालिकेत एक ट्वीस्ट येणार आहे. घरात अपमान झाल्याने अंतरा मल्हारचं घर सोडून जाताना दाखवण्यात येणार आहे. मालिकेत अंतराच्या पत्रिकेवर संशय व्यक्त केला जातो. अंतराच्या पत्रिकेत दोष नसल्याचं सांगत तिच्यावर खोटा आळ घेण्यात येतो. त्यामुळे अपमानित झालेली अंतरा घर सोडून जाण्याचा निर्णय घेते. अंतराची सासू आणि मल्हारची आई सुहासिनी तिला समजावून सांगण्याचा प्रयत्न करते. मात्र त्यांचं वागणं आणि तिच्यावर दाखवलेला अविश्वास अंतराच्या जिव्हारी लागतो आणि अंतरा मल्हारच्या घरी थांबण्यास नकार देते. नव्या प्रोमोमध्ये अंतरा घर सोडून जाण्यास निघाली आहे. आज्जी सासू तिला समजवायचा प्रयत्न करत आहे. मात्र अंतरा त्यांची माफी मागून जायला निघाली आहे. आता अंतरा जाणार की आपला निर्णय बदलणार याकडे सर्वांचं लक्ष लागलं आहे. 'जीव माझा गुंतला या मालिकेने प्रेक्षकांची उत्सुकता ताणली गेली आहे. यापूर्वी अंतराच्या पत्रिकेतील दोष आपल्या पत्रिकेत असल्याचं सांगून तिच्या बहिणीने श्वेताने मल्हारसोबत लग्न करण्याचा घाट घातलेला असतो. परंतु, ऐनवेळी अंतरा तिचं सत्य सगळ्यांसमोर सांगते आणि नाईलाजाने अंतरा आणि मल्हार यांचं लग्न होतं.
from Marathi Bollywood News, Marathi Cinema News https://ift.tt/3067XMT
