मुंबई- आजपासून शारदीय नवरात्रोत्सवाची सुरुवात झाली आहे. संपूर्ण जगाचं पालनपोषण करणाऱ्या देवीच्या विविध रूपांची मनोभावे पूजा करून तिचा जागर मांडण्याचे हे दिवस. नवरात्र म्हटली की रासगरबा आला, विविध रंग आले. अशा या चैतन्यमय वातावरणात प्रत्येकवर्षी काही अभिनेत्री हटके फोटोशूट करून प्रेक्षकांची वाहवा मिळवत असतात. यावर्षीदेखील एका अभिनेत्रीने साडेतीन शक्तीपीठांपैकी एक असलेल्या अंबाबाईचं रूप घेऊन फोटोशूट केलं आहे. परंतु, प्रथम दर्शनी ही अभिनेत्री कोण असा प्रश्न चाहत्यांना पडत आहे. अंबाबाईचं इतकं अप्रतिम रूप धारण करणारी ही अभिनेत्री दुसरी तिसरी कुणी नसून आहे. अपूर्वा दररोज 'रात्रीस खेळ चाले ३' या लोकप्रिय मालिकेतून प्रेक्षकांच्या भेटीस येत असते. परंतु, आता अपूर्वाचं हे रूप पाहून चाहतेही चकित झाले आहेत. अपूर्वाने अंबाबाईच्या रूपातील फोटो शेअर करत चाहत्यांना थक्क केलं आहे. या फोटोमध्ये नक्की अपूर्वाचं आहे ना, असा प्रश्न चाहत्यांना पडत आहे. फोटोत अपूर्वाने मळवट भरला आहे. ती अंबाबाईप्रमाणे सोन्याने सजली आहे. डोईवर मुकुट आणि नाकात नथ असं अंबाबाईचं अभूतपूर्व रूप अपूर्वाने चाहत्यांसोबत शेअर केलं आहे. हा फोटो शेअर करत अपूर्वाने लिहिलं, 'नवरात्रीचा पहिला दिवस, रंग- पिवळा, देवी महालक्ष्मी(अंबाबाई). कोल्हापूर नगरातील श्री महालक्ष्मी मंदिर हे ५२ शक्तिपीठांपैकी एक आणि महाराष्ट्रातील साडेतीन शक्तिपीठांपैकी एक आहे. या पीठाचा उल्लेख पुराणांमध्ये आढळून येतो.कोल्हापूर देवी महालक्ष्मी व अंबाबाई म्हणून ओळखले जाते.मी अणि माझ्या टीमने केलेला ऐक प्रामाणिक प्रयत्न. नवरात्रीच्या हार्दिक शुभेच्छा!' अपूर्वाचा हा फोटो पाहून चाहत्यांच्या डोळ्याचं जणू पारणं फिटलं आहे. अपूर्वाच्या फोटोवर चाहत्यांनी लाईक आणि कमेंटचा पाऊस पाडला आहे.
from Marathi Bollywood News, Marathi Cinema News https://ift.tt/3liyEWL
