मुंबई : काही दिवसांपूर्वी सामंथापासून वेगळे होण्याची घोषणा केल्यानंतर प्रथमच सार्वजनिक कार्यक्रमात दिसला. अभिनेत्री पूजा हेगडे आणि अखिल अक्किनेनी यांच्यासोबत आपल्या आगामी चित्रपट मोस्ट एलिजिबल बॅचलरच्या प्रमोशनच्या कार्यक्रमात तो सहभागी झाला होता. त्यादरम्यान तो खूपच शांत आणि परिपक्व दिसून आला. घटस्फोटाची घोषणा केल्यानंतर दोघेही चांगले मित्र राहणार असल्याचे त्यांनी म्हटले होते. पुरुषांच्या नैतिकतेवर प्रश्न उपस्थित करा ! सोशल मीडियावर पसरविल्या जाणाऱ्या अफवांना सामंथाने शुक्रवारी जोरदार प्रत्युत्तर दिले. पतीपासून वेगळे झाल्यानंतर सामंथाने सोशल मीडियावर चुकीच्या गोष्टी लिहिणाऱ्या लोकांना चांगलेच फटकारले होते. महिलांचे काही प्रकरण असेल तर तिच्यावर नैतिकतेचे प्रश्न उपस्थित केले जातात. परंतु एक समाज म्हणून आपण पुरुषांच्या नैतिकतेवर कधीच प्रश्न उपस्थित करत नाही, असे तिने म्हटले होते. घटस्फोट ही प्रक्रिया वेदनादायी ट्विटर आणि इन्टाग्राम अकाउंटवर पोस्ट केलेल्या एका निवेदनात सामंथा म्हणाली होती, की घटस्फोट ही प्रक्रिया खूपच वेदनादायी आहे. पण सतत वैयक्तिक टीका होत असल्याने प्रक्रिया आणखीच कठीण झाली आहे. सामंथाच्या या वक्तव्याला अनेक कलाकारांनी पाठिंबा दिला होता. चार वर्षांपूर्वी झाला होता दोघांचा विवाह सामंथा आणि चैतन्य यांनी २०१७ मध्ये मोठ्या थाटात लग्न केले होते. दोघांनी नुकतेच आपल्या सोशल मीडियावर हँडलवर पोस्ट शेअर करून घटस्फोट घेत असल्याची बातमी दिली होती. दोघांच्या या निर्णयामुळे हितचिंतक आणि चाहत्यांना मोठा धक्का बसला होता.
from Marathi Bollywood News, Marathi Cinema News https://ift.tt/3BEz1AA
