मुंबई : हिंदी सिनेमासृष्टीचे शहेनशाह म्हणून ओळखल्या जाणा-या यांचा आज ७९ वा वाढदिवस आहे. अमिताभ यांचा जन्म ११ ऑक्टोबर रोजी १९४२ रोजी प्रयागराजमध्ये झाला होता. आपल्या लाडक्या अभिनेत्याचा वाढदिवस त्यांचे चाहते मोठ्या उत्साहात साजरा करतात. दरवर्षी त्यांचा मुंबईतील जलसा या निवासस्थानी त्यांचे चाहते मोठ्या संख्येने उपस्थित राहतात. अमिताभ देखील त्यांना वेळात वेळ काढून भेटतात. अमिताभ बच्चन ७९ व्या वर्षी मनोरंजन विश्वामध्ये सक्रीय आहेत. तसेच ते सोशल मीडियावरही खूपच सक्रीय आहेत. आपल्या वाढदिवसाच्या निमित्ताने अमिताभ बच्चन यांनी खास पोस्ट शेअर केली आहे. परंतु या पोस्टमध्ये त्यांच्याकडून एक चूक झाली आहे. काय घडली चूक अमिताभ बच्चन यांनी वाढदिवसानिमित्ताने एक फोटो त्यांच्या इन्स्टाग्राम अकाऊंटवरून शेअर केली आहे. या फोटोमध्ये ते कुठेतरी चालत जाताना दिसत आहेत. अमिताभ यांनी ग्रे रंगाचे जॅकेट, ट्राऊझर आणि हातात स्लिंग बॅग दिसत आहे. हा फोटो शेअर करत अमिताभ यांनी लिहिले की, 'मी ८० व्या वर्षामध्ये पदार्पण करत आहे.' श्वेताने सुधारली वडिलांची चूक अमिताभ यांनी ही पोस्ट शेअर केल्यानंतर लगेचच त्यांची मुलगी श्वेता नंदा हिने कॉमेन्ट केली आहे. या कॉमेन्टमध्ये श्वेताने केवळ ७९ आणि एक इमोजी शेअर केला आहे. कलाकारांनी केला शुभेच्छांचा वर्षाव अमिताभ बच्चन यांच्या वाढदिवसानिमित्त त्यांचे चाहते आणि कलाकारांनी कॉमेन्ट करून त्यांना शुभेच्छा देत आहेत. अभिनेत्री भूमी पेडणेकर हिने 'स्वॅग.. वाढदिवसाच्या शुभेच्छा सर.' तर रणवीर सिंह याने लिहिले की, ‘गँगस्टर’. आठ लाखांहून अधिक लोकांनी ही पोस्ट लाईक केली आहे. चाहत्यांचे मानले आभार अमिताभ बच्चन यांनी रविवारी त्यांच्या ब्लॉगवर एक पोस्ट लिहिली आहे. त्यामध्ये अमिताभ यांनी त्यांच्या हितचिंतकांचे आणि चाहत्यांचे आभार मानले आहेत. त्यांनी म्हटले आहे की, 'तुम्ही सर्वजण माझ्यावर शुभेच्छांचा वर्षाव करत आहात.तुम्हा सर्वांना व्यक्तिगत पातळीवर उत्तर देणे कठीण आहे.परंतु मला माहित आहे की तुमच्या शुभेच्छा माझ्यासाठी किती महत्त्वाच्या आहेत, हे तुम्हालाही माहिती आहे. मी तुमच्या प्रेमामुळे भारवून गेलो आहे आणि तुम्ही माझ्यासोबत आहात याचा मला अभिमान आहे...' अमिताभ यांच्या कामाबद्दल सांगायचे तर ८० उंबरठ्यावर उभा असलेला हा अभिनेता आजही सिनेमांमध्ये आणि छोट्या पडद्यावर काम करण्यात अतिशय व्यग्र आहे. अमिताभ सध्या' कौन बनेगा करोडपती १३' चे सूत्रसंचालन करत आहेत. या स्पर्धेत येणा-या स्पर्धकांसबोत ते खूप मजा, धमाल करताना दिसतात. बिग बींच्या सिनेमांबद्दल बोलायचे झाले, अलिकडेच त्यांचा इम्रान हाश्मी आणि रिया चक्रवर्तीसोबत ‘चेहरे’ हा सिनेमा प्रदर्शित झाला आहे.याशिवाय ‘ब्रह्मास्त्र’, ‘झुंड’ आणि ‘मे डे’ मध्ये देखील अमिताभ बच्चन दिसणार आहेत.
from Marathi Bollywood News, Marathi Cinema News https://ift.tt/3AvDGnl
