मुंबई- बॉलिवूडचा बादशाह म्हणून ओळखला जाणारा अभिनेता याचा मुलगा याला एनसीबीने अटक केली आहे. मुंबईत एका क्रूजवर एनसीबीने केलेल्या धडक कारवाईत मोठ्या प्रमाणात अंमली पदार्थ आढळून आले. या क्रूजवरील पार्टीत आर्यनदेखील हजर होता. त्याच्यावर कारवाई करत एनसीबीने त्याला न्यायालयासमोर उभं केलं आहे. परंतु, या नाट्यमय घटनेचे त्रीव्र पडसाद सोशल मीडियावर उमटत आहेत. नेटकऱ्यांसोबत अनेक कलाकारही याप्रकरणावर भाष्य करत आहेत. लोकप्रिय जेष्ठ अभिनेते यांनी ड्रग्स प्रकरणात आपलं मत परखडपणे मांडलं आहे. मराठीसोबत हिंदी चित्रपटसृष्टी गाजवणारे विजय पाटकर यांनी नुकत्याच एका वृत्तवाहिनीला दिलेल्या मुलाखतीत त्यांचं मत व्यक्त केलं. विजय म्हणाले, 'आज एका सुपरस्टारच्या मुलाला अटक करण्यात आली हे खूप वाईट आहे. आता कुठे नाट्यगृह सुरू होणार म्हणून आम्ही आनंदी होतो. मात्र घडलेला प्रकार निराशाजनक आहे. हे जे काही आहे तो सगळा पैशाचा माज आहे. आमच्याकडे पैसे आहेत, मी वाट्टेल ते करू शकतो, राजकीय पातळीवरही सगळं हॅण्डल करू शकतो, हा फक्त आणि फक्त माज आहे, असं माझं स्पष्ट मत आहे.' पुढे विजय म्हणाले, 'काही वर्षांपूर्वी वानखेडे स्टेडियमवर त्या कलाकाराची वागणूक आपण पाहिली. मी समीर वानखेडे यांचे आभार मानतो कारण बऱ्याच वर्षांनंतर अशा धडक कारवाया होत आहेत. हे पाहून बरं वाटतं. मी बरीच वर्ष इण्डस्ट्रीमध्ये काम केलं. मला आतल्या बऱ्याच गोष्टी माहीत आहेत. पण त्या कधी सगळ्यांसमोर आल्या नव्हत्या. आम्ही आम्हाला वाटेल ते करू, आम्हाला कोण अडवणार हा माज आज उतरतोय. वानखेडे आणि सरकार तो माज उतरवतंय. त्यासाठी तुमचे खूप खूप अभिनंदन.'
from Marathi Bollywood News, Marathi Cinema News https://ift.tt/3l7t49q
