मुंबई- बॉलिवूडचा लोकप्रिय अभिनेता आणि आयुष शर्मा यांचा 'अंतिम: द फायनल ट्रुथ' नुकताच प्रेक्षकांच्या भेटीला आला आहे. परंतु, '' ची बॉक्स ऑफिसवरील सुरुवात म्हणावी तशी दणक्यात झालेली नाही. पहिल्या दिवशी सरासरी कमाई करणाऱ्या 'अंतिम' मुळे अभिनेता जॉन अब्राहम याच्या '' ला मात्र मोठा फटका बसला आहे. सोबतच अक्षय कुमारच्या 'सूर्यवंशी' ची विजय घौडदौड अजूनही सुरू असल्याने हा चित्रपट लवकरच २०० कोटींच्या घरात जाण्याची शक्यता आहे. 'अंतिम' ची दुसऱ्या दिवशीची कमाई समाधानकारक आयुष आणि सलमान यांच्या 'अंतिम' ने सलमानच्या इतर चित्रपटांप्रमाणे दिमाखात कमाईची सुरुवात केलेली नाही. पहिल्या दिवशी 'अंतिम' ने फक्त ४ कोटी ७५ लाख रुपयांची कमाई केली होती. शनिवारी या कमाईमध्ये १५ टक्के वाढ झाली. ही वाढ फार नसली तरीही रविवारी कमाईत आणखी वाढ होण्याची शक्यता होती. चित्रपटात सलमान सहाय्यक अभिनेत्याच्या भूमिकेत असल्याने सलमानच्या चाहत्यांची निराशा झाली आहे. परंतु, चित्रपटाने शनिवारी ५ कोटींची कमाई केली आहे. गुजरात, दिल्ली आणि युपीमध्ये चित्रपटाला चांगला प्रतिसाद मिळताना दिसत आहे. आतापर्यंत चित्रपटाने १० कोटींची कमाई केली आहे. जी सलमानच्या चित्रपटांच्या मानाने खूप कमी मानली जात आहे. 'सत्यमेव जयते २' ला फटका सलमानच्या 'अंतिम' चा जॉनच्या 'सत्यमेव जयते २' ला मोठा फटका बसला आहे. सिंगल स्क्रीन चित्रपटगृहांमध्ये 'सत्यमेव जयते २' ला भारी नुकसानाला सामोरं जावं लागलं आहे. गुरुवारी प्रदर्शित झालेल्या जॉन आणि दिव्या खोसला कुमार यांच्या चित्रपटाच्या कमाईत शुक्रवारी ५० टक्क्यांनी घट झाली आहे. तर अक्षयचा 'सूर्यवंशी' अजूनही चांगली कमाई करत आहे. आतापर्यंत 'सूर्यवंशी' ने १८५ कोटी रुपयांची कमाई केली आहे. लवकरच हा चित्रपट २०० कोटींच्या घरात जाण्याची शक्यता आहे.
from Marathi Bollywood News, Marathi Cinema News https://ift.tt/3p3kGsu
