मुंबई- '' मध्ये सध्या सदस्य एकमेकांविरोधात उभे राहताना दिसत आहेत. घरातील वातावरण दिवसेंदिवस आणखीनच आक्रमक होत आहे. मागील आठवड्यात घरात 'स्वर्ग की नर्क' हा टास्क रंगला होता. मात्र या टास्कदरम्यान विशाल निकम आणि विकास पाटील यांच्या मैत्रीमध्ये फूट पडलेली दिसून आली. तर या आठवड्यातघरात 'डब्बा गुल' हे साप्ताहिक कार्य रंगणार आहे. या कार्यात आणि यांच्यामध्ये बाचाबाची झालेली पाहायला मिळणार आहे. त्यातच जय मीराला टोमणादेखील मारणार आहे. मागील आठवड्यात पार पडलेल्या बिग बॉसच्या चावडीवर मीराच्या चाहत्याने तिच्याकडे जयबद्दल चुगली केली होती. जयने मीराला घराबाहेर जाण्यासाठी नॉमिनेट करण्याचा प्रयत्न केला असल्याचं त्याने म्हटलं होतं. तो राग लक्षात ठेवत मीरा डब्बा गुल या कार्यात जयच्या विरोधी टीमकडून खेळणार आहे. टास्कदरम्यान मीरा जयला म्हणते की, धक्के मारायचे आणि मग म्हणायचं आम्ही मुलींना हातदेखील लावत नाही. बोलली तर तुला राग आला का? आता मोठा दादा तुला कुरवाळायला येईल. त्यावर जय मीराला सुनावत म्हणतो, गेले सात आठवडे तू आमच्या जीवावर घरात राहिलीयेस. जयच्या या टोमण्याचा मीरावर काय परिणाम होणार हे तर येत्या भागात कळेलच मात्र यामुळे बिग बॉसच्या घरातील रंगत आणखी वाढत आहे. सुरुवातीला मित्र असलेले घरातील दोन सदस्य आता एकमेकांविरोधी उभे ठाकल्यावर खेळात कशी मजा येते हे पाहण्यासाठी प्रेक्षक उत्सुक आहेत.
from Marathi Bollywood News, Marathi Cinema News https://ift.tt/3w7TbBe
