मुंबई- '' चे सूत्रसंचालक यांनी या आठवड्याच्या चावडीची सुरुवात दिवाळीच्या फटक्यांप्रमाणे अगदी जोशात केली. चावडीवर महेश मीरा जगन्नाथ हिच्या कॅप्टन्सी टास्कबद्दल बोलले. टास्कदरम्यान झालेल्या विशाल निकम आणि यांच्या भांडणावर मांजरेकर यांनी सडकून टीका केली. मांजरेकर यांनी जयला तू नेहमीच टास्कमध्ये भांडण उकरून का काढतो म्हणत त्याच्या वागण्याचा जाब विचारला. तर उत्कर्ष शिंदेला आगीत तेल न ओतण्याचा सल्ला दिला. जयची शाळा घेत मांजरेकर म्हणाले, 'तू कोण आहेस? कोण समजतोस तू स्वतःला? काय पात्रता आहे तुझी? मी अशा व्यक्तीला ओळखतो जो तुझ्यापेक्षा शरीराने अर्धा आहे पण तो खूप हुशार आहे आणि भांडणात सगळ्यांना भारी पडू शकतो. तुझी जिममधील बॉडी दाखवून तू आयुष्यात काहीही मिळवू शकत नाही. सगळं काही तुमच्या बुद्धिमत्तेवर अवलंबून असतं. तुम्ही फक्त तुमच्या बुद्धीच्या जोरावर खेळात पुढे जाऊ शकता. माझा तुझ्यासोबत काहीही वैयक्तिक वाद नाहीये. मी माझं काम करतोय. आणि मी जे काही करतोय ते तुमच्या भल्यासाठी करतोय. जे सांगतोय ते तुमच्या चांगल्यासाठी सांगतोय.' पुढे मांजरेकर म्हणाले, 'जर जय चांगला खेळला तर तो कदाचित हा कार्यक्रम जिंकून जाईल. पण तो तसं वागतच नाही. मला बाहेरून प्रेक्षक सांगतात याला घराबाहेर काढा. माझ्या हातात असतं तर मी तुला घराबाहेर हाकललं असतं. का विशालसोबत भांडायला जातोस तू नेहमी? घरात दुसरं कुणीच नाहीये का? त्याला बोलण्याचा तुला अधिकार काय? प्रेक्षक सगळं बघतायत. तुला घरातील कोणत्याही सदस्याला नावं ठेवण्याचा अधिकार नाही.'
from Marathi Bollywood News, Marathi Cinema News https://ift.tt/2ZXW6Ay
