मुंबई- 'ठिपक्यांची रांगोळी' ही मालिका छोट्या पडद्यावर प्रचंड गाजतेय. मालिकेतील प्रत्येक पात्र प्रेक्षकांच्या पसंतीस उतरतंय. एकत्र कुटुंब पद्धती दाखवणारा हा कार्यक्रम प्रेक्षकांची मनं जिंकून घेतोय. मालिकेची कथा आणि तिला साजेसे कलाकार मालिकेला चार चांद लावत आहेत. प्रेक्षकांमध्ये मालिकेची जेवढी चर्चा आहे तेवढीच चर्चा मालिकेत मुख्य भूमिका साकारणारा अभिनेता याचीही आहे. चेतन मालिकेत शशांक ही भूमिका साकारताना दिसतोय. परंतु, चेतन त्याच्या भूमिकेसाठी चाहत्यांमध्ये चर्चेत नाहीये तर त्याच्या रिलेशनशिपमुळे आहे. चेतन मराठमोळी अभिनेत्री हिला डेट करत असल्याच्या चर्चा सध्या सोशल मीडियावर रंगल्या आहेत. चेतन झी युवावरील 'फुलपाखरू' या मालिकेत झळकला होता. याचं मालिकेत ऋजुता देखील सहकलाकाराच्या भूमिकेत होती. 'फुलपाखरू' मालिकेच्या सेटवर चेतन आणि ऋजुता यांची भेट झाली. चेतन ऋजुतासोबतचे अनेक फोटो सोशल मीडियावर पोस्ट करत असतो. त्यावरून चाहत्यांनी हा अंदाज बांधला आहे. नुकतेच चेतन आणि ऋजुता लेख- लडाख ट्रिपला देखील गेले होते. चेतन मूळचा नाशिकचा असल्याने त्याने तिथेच शालेय तसेच पदवीचं शिक्षण घेतलं होतं. अभिनयाच्या ओढीने त्याची पावलं मुंबईकडे वळली. नाटक, एकांकिका गाजवत असताना स्टार प्रवाहवरील 'लेक माझी लाडकी' या मालिकेत अभिनयाची संधी मिळाली. चेतन झी वाहिनीवरील 'अल्टी पल्टी सुमडीत कल्टी' या मालिकेमुळे प्रेक्षकांच्या घराघरात पोहचला. त्याच्या उत्कृष्ट अभिनयामुळेच चेतनला झी वाहिनीने 'काय घडलं त्या रात्री' या मालिकेत अभिनय करायची संधी दिली आणि त्याने त्या संधीचं सोन करून दाखवलं. तर ऋजुतादेखील एक उत्कृष्ट अभिनेत्री आहे. 'आई माझी काळूबाई', 'वर्तुळ', 'क्राईम पॅशन', 'घरात मॅरीड बाहेर बॅचलर' अशा मालिका आणि नाटकांमधून ऋजुता प्रेक्षकांच्या भेटीला आली आहे. अनेक मालिकांमध्ये ऋजुताने खलनायिकेची भूमिका साकारली आहे. सन टीव्ही मराठी या नव्याने सुरू झालेल्या वाहिनीवरील 'जाऊ नको दूर बाबा' या मालिकेत देखील ऋजुता झळकताना दिसत आहे.
from Marathi Bollywood News, Marathi Cinema News https://ift.tt/301iHMh
